OQO shegirtkemen kúreske ushaqtardy tartyp jatyr
ShYMKENT. QazAqparat - Ońtústik Qazaqstan oblysynda marokkolyq shegirtkeni dárileýge 6 ushaq pen 74 tehnıka tartyldy. Bul týraly «Respýblıkalyq fıtosanıtarııalyq dıagnostıka jáne boljamdar ádistemelik ortalyǵy» Ońtústik Qazaqstan oblystyq fılıalynyń jetekshisi Álim Arapbaev málimdedi, dep habarlaıdy QazAqparat tilshisi.
Ortalyq basshysynyń sózinshe, qazir óńirde shegirtkeden keler asa qaýip joq. Soǵan qaramastan dárileý jumystary jalǵasýda. Oǵan 6 ushaq pen 74 arnaıy tehnıka jumyldyrylýda.
«Ótken jyly sáýir aıynda kún birden jylynyp ketken soń, qurǵaqshylyq bolyp 172 myń gektar jerdi artyq dáriledik. Al bıyl 341 myń gektarǵa josparladyq. Der kezinde óńdelgeni 260 myń gektar bolyp tur. Sonyń arqasynda shegirtkeniń jappaı qaptaýyna qaýip joq»,- dedi Álim Arapbaev.
Mamannyń aıtýynsha, óńirde josparlanǵan aýmaqtyń 76 paıyzy dárilenip úlgergen. Qalǵan 170 myń gektar jerge kezeń-kezeńimen arnaıy hımıkat sebiletin bolady. Qazirdiń ózinde shegirtkeniń bul túri 13 aýdannan kezdesip otyr. Negizgi jumystar Saryaǵash aýdanynda júrgiziledi. Onda 56 paıyz aýmaq dári shashylǵan. Al Arys aýdanynda - 20, Saıram aýdanynda - 90, Qazyǵurt aýdanynda - 75 paıyz jerler dárilengen. Endi Shardara, Saryaǵash aýdandary men Túrkistan jáne Arys qalalarynda zalalsyzdandyrý sharalary qolǵa alynǵan.
