OQO: Shardaralyq sharýalar qarbyzdaryn Reseıge shyǵara bastady
ShYMKENT. QazAqparat - Ońtústik Qazaqstan oblysyndaǵy Shardara aýdanynyń sharýalary alǵashqy baqsha ónimin jınaýdy bastady. Keshegi kúni Jaýshyqum aýyldyq okrýginde qarbyz egýmen shuǵyldanyp jatqan dıqandar alǵashqy 30 tonna ónimdi Reseıdiń ıAkýtııa avtonomııalyq respýblıkasyna saýdalaýǵa jóneltti, dep habarlaıdy QazAqparat HAA tilshisi.
Jalpy kólemi 2 gektar alqapqa jamylǵy astyna erte pisetin qarbyz tuqymyn otyrǵyzǵan «Baǵdat» sharýa qojalyǵynyń dıqandary plenkany qos qaptama túrinde jaýyp shyqqan. Birinshi bolyp egistik alqaptan ónim artqan qojalyq ár gektarynan kem degende 40 tonnadan qarbyz alýdan úmitti. Shardara aýdany boıynsha jaýshyqumdyq sharýalar jamylǵy astyna ónim egýden aldyńǵy orynda tur.
Aýyl ákimi Serik Mahambetovtiń málimetinshe, qazirgi tańda 3312 gektar aýmaqqa baqsha daqyldary egilgen. Olar tolyǵymen jamylǵy astyna egilgen. Kóktem bastalysymen qarbalas tirlikke kóshetin dıqandar qaýymy plenka astyna daqyl egýdiń shyǵyny ár gektaryna 500 myń teńgeni shamalaıtynyn aıtady. Degenmen, naryqqa erte shyǵaryp úlgerse shyqqan shyǵynnyń orny tolady. Kúni keshe erte pisken qarbyzdyń kelisi 96 teńgeden egistik alqaptan satylǵan.
Eń bastysy, shardaralyq sharýalar bıylǵy jyly shegirtke shabýylynan aman. Aýdan basshylarynyń kúndelikti qadaǵalaýynyń arqasynda zııankestermen kúres óz deńgeıinde júrgizilip, dıqandardyń alańsyz tirlik jasaýlaryna múmkindik týdy.
