OQO prokýratýra organdary 8 myńnan astam azamattyń quqyqtaryn qorǵady

«2016 jyldyń ótken kezeńinde prokýrorlyq qadaǵalaýdyń negizgi basym baǵyttary retinde Elbasynyń jáne Qazaqstan Respýblıkasy Bas Prokýrorynyń tapsyrmalary men aktilerin ýaqytyly jáne sapaly oryndaý bolyp belgilengen», delingen habarlamada.

Bas prokýratýranyń jańalyǵynyń biri, ol bizdiń qyzmet etý salamyzǵa jobalyq menedjmentti (basqarý) engizý boldy.

Bir sózben aıtsaq, bul nátıjege baǵyttalǵan komandalyq jumys jáne bizdiń óńirimizge tán ózekti máselelerdi sheshýge baǵyttalǵan, maqsaty ózara baılanysqan biregeı is-sharalar jıyntyǵy.

Bas Prokýratýranyń alqasynda prokýrorlyq qadaǵalaýdyń barlyq baǵyttary boıynsha 15 joba usynyldy. Sizder olardy kórdińizder, sondyqtan osy tájirıbeni qabyldap, is-júzinde júzege asyrý qajet.

«Qazirgi tańda, prokýratýramyzda eki top jumys jasaýda, «Mal urlyǵyna tosqaýyl» jáne «Jer salasyndaǵy problemalyq máselelerdi sheshý» atty eki jobalar júzege asyrylýda», delingen habarlamada.

Jalpy oblys kóleminde narazylyq aktsııalaryn ótkizý derekterine jol berilgen joq, qoǵamdyq-saıası jaǵdaı turaqty.

Ruqsatsyz 17 aktsııalar oryn aldy, olarda negizi jer jáne turǵyn úı - kommýnaldyq sıpattaǵy máseleler kóterilgen.  

Qadaǵalaý qyzmetiniń negizgi mindetteri retinde óńirdegi quqyqtyq tártipti jáne zańdylyqty qamtamasyz etý máseleleri aıqyndaldy.

Óńirdegi turaqtylyqty qamtamasyz etýde azamattardyń konstıtýtsııalyq quqyqtaryn saqtaý erekshe orynǵa ıe. Oblystyq prokýratýra organdary 8 myńnan astam azamattyń konstıtýtsııalyq quqyqtaryn, onyń ishinde 2500-ge jýyǵynyń eńbek quqyqtaryn qorǵady.

Yqpal etý sharalarynyń nátıjesinde jalaqy qaryzy 3,5 esege jýyq tómendetildi (55-ten 15 mln. teńgege deıin).

5 myńnan astam kámeletke tolmaǵandardyń quqyqtary qorǵaldy, onyń ishinde myńnan astamy múmkindigi shekteýli balalar (tekserý qorytyndylary Bas prokýratýramen ońdy baǵalanǵan).

Bizdiń bastamamyz negizinde ómirlik qıyn jaǵdaılarǵa ushyraǵan jasóspirimder men olardyń ata-analaryna psıhologııalyq jáne quqyqtyq kómek kórsetý úshin ákimdikpen 1303 senim symtetigimen Krızıstik qyzmet quryldy.

Halyqtyń áleýmettik jaǵynan osal toptarynyń quqyqtaryn qorǵaý aıasynda 800 múgedektiń, 30 qart azamattyń quqyqtaryn buzý, sonymen qatar, ataýly áleýmettik kómekti negizsiz taǵaıyndaýdyń 80 faktisi anyqtaldy.

Bıýdjetti tolyqtyrý basty baǵyttardyń biri boldy.

Jyl saıyn memleket bıýdjetine qomaqty qarjy quıylýyna qol jetkizýdemiz, aǵymdaǵy jyly bıýdjet 1,8 mlrd. teńgeden astam somaǵa tolyqty, 1,2 mlrd. teńgege múlik qaıtaryldy.

63 memlekettik satyp alý konkýrstarynyń qorytyndylaryn buzý arqyly 5,5 mlrd. teńgeden astam qarjynyń zańsyz jaratylýyna tosqaýyl qoıyldy, memlekettik bıýdjetke 31 mln.teńgeden astam soma óndirildi.

Qoldanylǵan sharalar nátıjesinde memleket menshigine 21 myń (18,6 myń.) gektarǵa jýyq jer ýchaskeleri qaıtaryldy, bıýdjetke 88 mln. tenge (204,3) óndirildi.

Eger osynyń barlyǵyn teńgege aýystyrsaq, jarty jyldyń ózinde 9 mlrd.-tan astam qarjy, salystyrmaly túrde aıtatyn bolsam oblystyq prokýratýra organdaryn qarjylandyrýǵa bir jyldyń ózinde 1,2 mlrd. teńge bólinedi, demek 6 aıdyń ózinde biz prokýratýrany kútip ustaýǵa bólinetin qarjydan jeti ese artyq qaıtardyq, nemese bul qarajatqa 6 tıptik mektep salýǵa bolady (600 oryndyq).

Ákimshilik aıyppuldardy óndirý kórsetkishin 60%, (60,6%) deńgeıge jetkizý týraly tapsyrmany oryndadyq.

768 kásipkerlerdiń quqyqtary qorǵaldy, olardyń quqyqtaryna qol suqqan 72 laýazym ıesi túrli jaýapkershilikke tartyldy.

«Aqbulaq», ««Jumyspen qamtý - 2020 jol kartasy», «Kásipkerliktiń jol kartasy», «Turǵyn úı kommýnaldyq sharýashylyǵyn jetildirý» jáne t.b. memlekettik baǵdarlamalary únemi baqylaýda.

«Krımınogendik jaǵdaı tirkelgen qylmystar sanynyń 10,6 paıyzǵa ósýimen sıpattalady (2015 jyldyń 6 aıynan 18714-den 2016 jyldyń 6 aıynda 20694-ke deıin)», delingen habarlamada.

Sonymen birge, asa aýyr qylmystar 23,6 paıyzǵa (127-den 97-ge), onyń ishinde kisi óltirý 45,5 paıyzǵa ( 55-ten 30-ǵa), qaraqshylyq 34,9 paıyzǵa (43-ten 28-ge), zorlaý 30,1 paıyzǵa (163-ten 114-ke), buzaqylyq 13,6 paıyzǵa (1047-ten 905-ke) tómendegeni baıqalady.

Dál osy qylmystar sanattaryna qarap, bizdiń oblysymyzdyń turǵyndary qoǵamdaǵy óz qaýipsizdikterin baǵalaıdy.

Bas prokýratýramen bizdiń alaıaqtyqqa qatysty qylmystyq quqyqbuzýshylyqtyń aldyn alýǵa qatysty jumysymyzǵa oń baǵa berildi.  

Qoldanylǵan uıymdastyrý sharalary nátıjesinde 7 mln. teńgeden astam somaǵa protsessýaldyq shyǵyndar óndirildi, bul rette óz erkimen protsessýaldyq shyǵyndy óteý tájirıbesi jasaqtaldy (olardyń somasy 2,8 mln. teńgeni qurady). 

Aǵymdaǵy jyldyń 6 aıynda kepildiń sany 68,4% (respýblıka - 64,5%) qurady, qamaýda ustaý 24 paıyzǵa azaıdy, eshqaıda ketpeý qolhaty múldem qoldanylǵan joq.

Azamattardyń konstıtýtsııalyq quqyqtary qorǵala otyryp, prokýrorlarmen 9 zańsyz ustalǵan azamat bosatyldy. 15 tulǵaǵa qatysty zańsyz jedel-izdestirý sharalary qysqartyldy.

Úsh satyly sot óndirisiniń engizilýine jáne aǵymdaǵy jyldyń 6 aıynda sotqa deıingi is júrgizý satysynda qysqartylǵan ister 54 paıyzǵa kóbeıýine baılanysty, qylmystyq ister boıynsha júkteme 23 paıyzǵa azaıdy (2516-dan 1942-ge).

Memlekettik aıyptaýshylardyń jazalaý máselesine qatysty teńgerimdi tásil qoldanýy jazalaý tájirıbesin 25-ten 21 paıyzǵa tómendeýine múmkindik berdi, bul Respýblıka kóleminde úzdik kórsetkishterdiń biri.

2015 jylmen salystyrǵanda aǵymdaǵy jyldyń ótken merzimde aıyppul jazasy belgilengen sottalýshylar 9,3 paıyzǵa (259-dan 283-ke), bas bostandyǵy shektelgender 9,4 paıyzǵa (319-dan 349-ǵa), shartty jaza taǵaıyndalǵandar 22,3 paıyzǵa (192-den 235-ke) kóbeıgeni baıqalady.

Bas Prokýratýranyń sybaılas jemqorlyq qylmystary boıynsha sottardy eselik aıyppul taǵaıyndaýǵa baǵyttaý týraly tapsyrmasy oryndalýda, 35 tulǵanyń ishinen 27-ne nemese 76 paıyzyna 146 mln.teńgeden astam aıyppul belgilendi (2015 jyly-50%).

Onyń ishinde, 111 mln. teńgege 20 tulǵaǵa qatysty úkimder nemese 77 paıyzy naqty oryndaldy.

Qanaǵattandyrylǵan narazylyqtar 4 esege (14-ten 66-ǵa), qanaǵattandyrylýy 11,5 paıyzǵa kóbeıdi.

Memlekettik aıypty qoldaý sapasy turaqty túrde joǵary - 99,8% (13 jyly - 99,3%,  14 jyly - 99,4%, 15 jyly-99,7%).

Sotta memleket múddesin ókilettik etý salasynda bizdiń narazylyqtarymyzben 26 sot aktisi zańǵa sáıkestendirildi, qaıtaryp alynǵan narazylyqtar joq. 

68 mln. teńgeden astam somaǵa bıýdjet shyǵynynyń aldyn aldyq.

Zańdylyqtyń buzylýyna shara kórý tıimdiligin 100 paıyzǵa jetkizdik, prokýrorlardyń talap tilekteri boıynsha 56 jeke uıǵarýlar shyǵaryldy (qatysqan prokýrorlardyń 18 baıanaty boıynsha tekserýler júrgizilip, 5 tekserý qujattary ERDR-ge tirkeldi, 1,5 mln. teńgeden astam somaǵa 24 tulǵa ákimshilik, 42 laýazym tulǵalary tártiptik jaýapkershilikke tartyldy).

Ákimshilik sot isin júrgizý baǵyty boıynsha sottardyń 15 qatelikteri túzetildi. Monopolııaǵa qarsy zańnama salasyndaǵy ákimshilik isterdi negizsiz qysqartý tájirıbesi joıyldy, tek eki ǵana narazylyq boıynsha quqyq buzýshyny 5 mln. teńgeden astam soma aıyppuldan zańsyz bosatý dereginiń aldyn aldyq. Narazylyqtardyń qanaǵattandyrylýy 88% qurady.

Bul jyly oblystyq prokýratýra tarapynan alıment óndirýge erekshe nazar aýdaryldy. Qoldanylǵan sharalar nátıjesinde 11 mln. teńgeden astam soma óteldi, 471 boryshker jumyssyz retinde esepke qoıyldy, 147-si naqty jumyspen qamtyldy, 58 boryshker ákimshilik jaýapkershilikke tartyldy, SDTTBT-ǵa (ERDR) 27 qujat tirkeldi.  

Bizben quqyqqorǵaý júıesin jetildirýdiń belsendi saıasatyn júrgizýge qatysty memlekettik sharalar týraly azamattardy aqparattandyrý deńgeıine, halyqtyń quqyqtyq saýattylyǵyn kóterýge, prokýratýra organdary men jalpy quqyqqorǵaý júıesiniń ońdy ımıdjiniń qalyptasýyna  qajetti nazar aýdarylýda. Bul maqsatta 36 baspasóz-maslıhaty ótkizildi, 115 semınar-keńester uıymdastyryldy, 129 dóńgelek ústelder ótkizildi, BAQ-ta 1642 aqparattyq málimetter jarııalandy. Prokýratýra organdarynyń jáne jalpy quqyqqorǵaý blogynyń jumysyn aıqyndaıtyn kóptegen aqparattyq-nasıhattyq túsirilimder daıyndalyp, respýblıkalyq jáne jergilikti efırlerge shyǵaryldy.

Oblystyq prokýratýra aqparattyq-ımıdjdik jumystyń sapasyn kótere otyryp, birneshe basylymdarda «Qoǵamdyq pikir» - «Obşestvennoe mnenıe» aıdarlaryn ashty, olarda azamattardyń ońdy pikirleri men alǵys hattar jarııalanýda, jarty jyldyń ishinde 45-ten astamy, túsip, 42-ge jýyǵy jaryq kórdi.