OQO: Otyrar aýdanynyń bilim salasyna kórsetilgen qamqorlyq
ShYMKENT. QazAqparat - Ońtústik Qazaqstan oblysynyń bilim salasyna memleket tarapynan úlken qoldaýlar kórsetilýde. Odan Otyrar aýdany da quralaqan emes, dep habarlaıdy aýdan ákimdiginiń baspasóz qyzmeti.
Máselen, bıyl osy maqsatqa sáıkes aýdanǵa 4,7 mlrd. teńge bólindi. Bul qomaqty qarajat aýdannyń bir ǵana bilim salasynyń enshisine berilip otyr. Jalpy, Otyrar aýdanynda 40 mektep bar. Olardyń 27-si tıptik bolsa, qalǵany yńǵaılastyrylǵan bilim oshaqtary. Mektepterdiń teń jartysynda oqýshylar bir aýysymda oqıdy. Bilimge degen qamqorlyq pen qoldaýdyń arqasynda aýdanda apatty nemese úsh aýysymdy birde-bir mektep joq. Bıyl Abaı atyndaǵy orta mektep kúrdeli jóndeýden ótkizildi. Osy maqsatqa oraı oblystyq bıýdjetten 89,8 mln. teńge jumsaldy. 2016-2017 oqý jylynda oqýshylardy oqýlyqtarmen qamtamasyz etý úshin aýdandyq bıýdjetten 40,6 mln., oblystyq qazynadan 1 233,4 myń teńge qaralyp, 4 161 oqýshynyń barlyǵy túgel oqýlyqtarǵa qol jetkizdi. Oqýshylarǵa qazirgi zaman talabyna saı bilim berý úshin mektepter keń jolaqty ınternetke jáne onlaın rejımindegi júıege qosylǵan. Synyp bólmeleriniń kópshiligi ınteraktıvti taqtamen jáne mýltımedııalyq quraldarmen jabdyqtalǵan. Qazirgi tańda aýdandaǵy bilim uıalarynda 1275 kompıýter bar. Oqýshylardy kompıýtermen qamtamasyz etý tapsyrmasy Otyrarda 105 paıyzǵa oryndaldy. 2015-2016 oqý jylynda Ulttyq biryńǵaı testileýge 553 oqýshy qatysty. UBT qorytyndysy boıynsha jalpy orta ball 79,47-ni qurady. Bul kórsetkish ótken jylmen salystyrǵanda 0,26 balǵa artyp, oblys boıynsha 7-oryndy ıemdenýge múmkindik berdi. Aýdanda 38 balabaqsha bar. Mektepke deıingi mekemelerde búginde 2195 búldirshin tárbıelenýde. Jalpy, 3-6 jastaǵy balalardyń 84 paıyzy balabaqshamen qamtylǵan. Kórsetkishti joǵarylatý boıynsha tıisti jumystar júrgizilýde.
