OQO: Otyrar aýdanynda «Eko stıldegi ómir» atty lektsııalar men ashyq sabaqtar ótti

ShYMKENT. QazAqparat - Qazaqstan Respýblıkasy Táýelsizdiginiń 25 jyldyǵyna oraı Ońtústik Qazaqstan oblysynyń Otyrar aýdanyndaǵy barlyq bilim berý mekemelerinde «Eko stıldegi ómir» atty lektsııalar men ashyq sabaqtar ótti, dep habarlaıdy aýdan ákimdiginiń baspasóz qyzmeti.

Keler jyly elordamyz - Astana qalasynda ótetin «EKSPO-2017» halyqaralyq mamandandyrylǵan kórmesin, jasyl tehnologııalardyń artyqshylyqtaryn, bolashaqtyń energııasyn alý múmkindikterin nasıhattaý, oqýshylardyń boıyna eljandylyq, patrıottyq rýhty sińirý maqsatynda ótkizilgen sharaǵa aýdan ákiminiń orynbasary Ryskeldi Álish qatysyp, ustazdar men oqýshylardy shıek ǵasyrlyq egemendigimizben quttyqtady. Bilim uıalarynda ótken sharada ustazdar ózderi ázirlegen kórnekilikter arqyly shákirtterge endigi jyldyń ortasynda elordada ótetin halyqaralyq kórmeniń mańyzy men artyqshylyqtary týraly málimetter berip, beıbit elimizdi álemdik arenaǵa tanytatyn taǵy da bir múmkindik ekendigin jetkizdi.

Barlyq pánder boıynsha ótken sharada oqýshylar ózderiniń taqyrypqa saı týyndylary men eńbekterin pash etip, eldiń bolashaǵyna beıjaı qaramaıtyndyǵyn baıqatty. 

Aıta keteıik, Astanada ótetin «EKSPO-2017» halyqaralyq mamandandyrylǵan kórmesi 2017 jyldyń basty oqıǵalarynyń biri bolmaq. Kórmeniń taqyryby - Bolashaq energııasy.