OQO Otyrar aýdanynda arnaıy kómekshiler múgedekterdi aldap júrgen

OQO prokýrorlary arnaıy kómekshiler jumysynan kóptegen zań buzýshylyqtardy tapty. Bul týraly prokýratýranyń baspasóz qyzmetinde aıtyldy.

Qujattar boıynsha arnaıy kómekshiler múgedekterdi emhanaǵa, poshtaǵa, ákimdikke, kitaphanaǵa jetektep aparǵan. Іs júzinde bul múgedekterdiń kópshiligi qozǵala almaıdy. Sonyń arasynda kómekshiler ózderiniń is júzinde jasamaǵan jumystary úshin 204 myń teńge somasynda zańsyz jalaqy alǵan. Mundaı zań buzýshylyqtar 4 arnaıy kómekshiniń jumysynan anyqtalǵan.

Eki kómekshige qatysty QR QK 177-baby boıynsha qylmystyq ister qozǵaldy. Qalǵan ekeýi óz erkimen memleketke keltirilgen zalaldyń ornyn toltyrýyna jáne taraptardyń tatýlasýyna baılanysty qylmystyq jaýapkershilikke tartylmady. Sonymen qatar, kómekshilerdiń biri psıhonevrologııalyq dıspanserdiń emdelýshisi ekeni belgili boldy. Ol «shızofrenııa» dıagnozymen tirkeýge alynǵan.