OQO: Ordabasy aýdanynda 2015-2016 jyldary ana ólimi bolmaǵan
ShYMKENT. QazAqparat - Ońtústik Qazaqstan oblysy Ordabasy aýdanynda halyqqa sapaly medıtsınalyq qyzmet kórsetýdiń qol jetimdiligin joǵarylatý maqsatynda kóptegen jumystar júrgizilip keledi, dep habarlaıdy aýdan ákimdiginiń baspasóz qyzmeti.
Dárigerler men orta býyndy qyzmetkerlerdi qaıta daıarlyq kýrstary men biliktilik dárejesin kóterý boıynsha oqytýǵa jiberýdi, sanattylyq kórsetkishterin joǵarylatýdy, jergilikti jerge qajetti mamandardy tartýdy, aýyldyq emhanalardaǵy zerthana isin sapaly júrgizýdi, medıtsınalyq qondyrǵylardy iske qosýdy, jedel járdem jumysyn jandandyrý jumystary jolǵa qoıylyp keledi. Jalpy aýdan halqyna ambýlatorlyq-emhanalyq medıtsınalyq kómek óz deńgeıinde kórsetilýde. Biraq áli de sheshimin kútip otyrǵan máseleler de bar.
Aıta ketetin jaǵymdy kórsetkishterdiń biri, 2015-2016 jyldary aýdanda ana ólimi oryn almaǵan. Jańa týǵan náresteler men 5 jasqa deıingi balalar óliminiń kórsetkishi boıynsha aýdanda sońǵy úsh jyldan beri bıyl birinshi ret tómendeý tendentsııasy baıqalyp otyr. Ana ólimin múldem boldyrmaý, sábıler ólim-jitimin tómendetý maqsatynda qolǵa alynyp jatqan jumystar baqylaýdan bir sát te shyqqan emes. Aýdanda aýrýshańdyq ótken jylmen salystyrǵanda anaǵurlym azaıǵan. Bul naqty josparmen jumys júrgizýdiń ıgiligi bolsa kerek.
