OQO ónerpazdary Astana tórin sazdy áýenge bóledi
Shara Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy men Astana qalasynyń 20 jyldyǵyna oraı «Án men kúı áldıleıdi Astanany» atty Ońtústik Qazaqstan oblysynyń Astanadaǵy mádenı kúnderi aıasynda uıymdastyryldy, dep habarlaıdy QazAqparat tilshisi.
Kontsert «Sharyqtaı ber, Astana» teatrlandyrylǵan-horeografııalyq kompozıtsııasynan bastaý alyp, dástúrli ánder sherýi, qazaq jáne klassıkalyq, Sh.Qaldaıaqov ánderinen popýrrı, «Dala rýhy» kompozıtsııasymen jalǵasyn tapty.
Kontsertke Ońtústikten shyqqan estrada juldyzy, QR eńbek sińirgen qaıratkeri Altynaı Jorabaeva jáne QR Halyq ártisi Nurjamal Úsenbaeva, QR Mádenıet qaıratkerleri Úrálhan Seıilbekova, Marat Orazmetov pen QR eńbek sińirgen ártisi Sábırash Ábdiraıymova jáne Halyqaralyq baıqaýlardyń laýreattary Karına Najmeddınova, Móldir Isaeva, Jadyra Abdýllaeva, Nurqanat Tapıev, Aıan Tólegen, Nematıllo Zkrýllaev, Bekzat Turǵynbek, Aqmaral Bınazarova syndy sahna sańlaqtarymen qatar «Tumar» folklorlyq ansambli jáne «Qazyna», «Shamsınýr», «Farab» bı toptary qatysty.
Aıta keterligi, Ońtústik Qazaqstan oblysynyń halqyn elimizdiń elordasy - Astana qalasynyń 20 jyldyq mereıtoıyn sezindirý maqsatynda «El júregi - Astana» taqyrybynda kórmelik keshenniń ashylýymen bastalyp, búgingi tańǵa deıin 760 is-shara ótkizildi.
Elorda qurmetine oraı oblystyń eldi mekenderinde 26 kóshege «Astana» ataýy berildi.
«Elordaǵa syılyq» jobasy boıynsha Ońtústik Qazaqstan oblysy tarapynan Astana qalasyna tartý retinde jalpy quny shamamen 766,2 mln teńge quraıtyn Esil ózeni boıynda ortalyq saıabaq pen Mınıstrlikter úıi aralyǵyna deıin 5,173 shaqyrym velojol salynýda.
