OQO oqýshylary respýblıkalyq «Zerde» konkýrsynda top jardy
ASTANA. QazAqparat - Ońtústik Qazaqstan oblysynyń oqýshylary 2015-2016 oqý jylyndaǵy oqýshylardyń zertteý jumystary men shyǵarmashylyq jobalarynyń HІ respýblıkalyq «Zerde» konkýrsynda top jaryp, júldeli oryndarǵa ıe boldy, dep habarlaıdy oblys ákimdiginiń baspasóz qyzmeti.
Aqmola oblysynyń Şýche qalasynda ótken jarysta óńirimizdegi «Tórjan» gımnazııasy, №1 A.Pýshkına atyndaǵy mektep-gımnazııasy, №71 jalpy orta mektebi, Z.Kosmodemıanskaıa atyndaǵy №23 mektep-lıtseı men №9 mektep-lıtseıi, T.Tájibaev atyndaǵy №47 mektep gımnazııasy jáne A.Asqarov atyndaǵy №77 mektep-lıtseıiniń oqýshylary matematıka jáne ádebıet sektsııalary boıynsha birinshi orynǵa ıe bolsa, qazaq tili men ádebıeti jáne ólketaný pánderi boıynsha ekinshi oryndy ıelendi.
Al fızıka tehnıka, qorshaǵan ortany jáne adam densaýlyǵyn qorǵaý, ekologııa jáne etnomádenıettaný sektsııalarynan ońtústik óńirdiń oqýshylary úshinshi júldeli orynǵa laıyqty dep tabyldy.
Konkýrsqa respýblıkanyń barlyq oblystarynan jáne respýblıkalyq bilim uıymdarynan 500-ge jýyq oqýshy qatysqan bolatyn. Ońtústik Qazaqstan oblysynan 17 oqýshydan turatyn komanda 13 joba boıynsha baǵyn synady.
Ǵylymı joba jarysynan top jarǵan oqýshylarymyz munan soń, respýblıkalyq «Baldaýren» oqý-saýyqtyrý ortalyǵynda ıýbolyp, Býrabaıdyń eń kórikti oryndaryna saıahat jasap joǵary kóńil-kúımen qaıtty.
Aıta ketý kerek, 1-7 synyp oqýshylary arasynda «Zerde» shyǵarmashylyq jobalar men zertteý jumystarynyń respýblıkalyq konkýrsy «Daryn» respýblıkalyq ǵylymı-praktıkalyq ortalyǵynyń uıymdastyrýymen 2005 jyldan bastap ótkizilip keledi.
