OQO-nyń júrgizýshileri 1 mlrd teńge aıyppul tóleıdi
ShYMKENT. QazAqparat - Ońtústik Qazaqstan oblysynyń júrgizýshilerine «KRIS-P» qondyrǵysy arqyly 1 mlrd teńge aıyppul salynǵan. Bul somma 27 myńnan astam kólik ıelerine salynǵan, dep habarlaıdy QazAqparat tilshisi.
Quzyrly organ ókilderi qomaqty aıyppuldardyń nebári tórt aıda ǵana salynǵanyn aıtady. Qazynaǵa 200 mln teńgesi tólenipti. Aıyppuldardyń kólemi negizinen 22 myń men 68 myń aralyǵynda quraıdy. Ázirge óńirde«KRIS-P» qondyrǵysynyń 6-aýy Qonaev, Báıdibek bı dańǵyldary men Tólemetov, Arǵynbekov kóshelerine qoıylǵan. Qalǵany respýblıkalyq, oblystyq mańyzy bar joldardyń jıegine ornatylypty.
«KRIS-P qurylǵylary joldardaǵy sybaılas jemqorlyqty azaıtady. Fotoradarǵa túsken barlyq málimetter ǵalamtor arqyly Oblystyq ІІD-niń bazasyna túsedi, ári ol málimetterdi óshirý de múmkin emes», - deıdi Sybaılas jemqorlyqqa qarsy is-qımyl ulttyq bıýrosy OQO boıynsha departamentiniń bas mamany Seıdahmet Zabırov.
