OQO-nyń jastary forýmda bas qosty

ShYMKENT. QazAqparat - Ońtústik Qazaqstan oblysyndaǵy Tuńǵysh Prezıdent kúnine oraı jastar forýmy ótti. Fızıka-metematıka baǵytyndaǵy Nazarbaev zııatkerlik mektebinde ótken májiliske qatysýshylar ózara pikir almasyp, oı bólisti, dep habarlaıdy QazAqparat tilshisi.

Jyl saıyn dástúrli túrde ótetin jastar forýmy osymen úshinshi márte uıymdastyrylyp otyr. Bul joly basqosýdyń ótýine Shymkent qalasyna qarasty Qarataý aýdanynyń ákimdigi muryndyq boldy.

Forýmda sóz alǵandar kemeńger kóshbasshy Nursultan Nazarbaevtyń el basqarýdaǵy kóregendiligin sóz etti. Jastar Memleket basshysynyń jyl saıynǵy Joldaýlary men túrli saladaǵy reformalaryn tilge tıek etip, kemeńger kóshbasshyǵa qarap boı túzeıtinin jetkizdi. Al, búginginiń jastary qoǵamnyń ekonomıkalyq, ǵylymı-tehnıkalyq, áleýmettik, saıası, mádenı hám rýhanı damýyna zor úlesin qosýy tıis. Sebebi, ult bolashaǵy jastarǵa senim artady. Jıynda sóz sóılegen qatysýshylar osyndaı oılaryn ortaǵa salyp, bolashaq josparlarymen bólisti.