OQO-nyń úsh turǵyny astanalyq azamatty urlaǵan jáne reseılikten aqsha bopsalaǵan
ASTANA. QazAqparat - Aǵymdaǵy jyldyń 24 jeltoqsanynda Astana q. ІІD Uıymdasqan qylmyspen kúres basqarmasynyń qyzmetkerleri 21 jastaǵy Astana turǵynyn urlady jáne RF azamatynan aqsha bopsalady degen kúdikpen OQO-nyń úsh turǵynyn ustady.
Astana q. ІІD baspasóz qyzmetinen atap ótkendeı, ustalǵandardyń bári buryn isti bolǵandar.
Aǵymdaǵy jyly 21 jastaǵy Astana turǵyny bir táýlikke jýyq ýaqyt boıy páterlerdiń birinde ustap, qysym kórsetý arqyly aqshasy men jeke múlkin tartyp alǵan belgisiz adamdardy jaýapqa tartý aryzymen keldi.
Keıin qaskóıler Reseı azamatynyń kólik satyp alý úshin Astanaǵa kelgenin bilip, kúsh kórsetý arqyly ony páterge aparyp, 1,5 mln. rýblin tartyp alǵan.
Atalǵan faktiler Astana q. ІІD sot aldyndaǵy isterdiń birińǵaı reestrine tirkeýge alyndy. QR QK 125 («adam urlaý») jáne 194 «bopsalaýshylyq» baptary boıynsha sot aldyndaǵy tergeý jumystaryn bastady.
Kúdiktiler Astana ІІD ýaqytsha ustaý oqshaýlaǵyshyna qamaldy.
