OQO-nyń Ulttyq sport mektebine 10 jyl toldy
ShYMKENT. QazAqparat - Ońtústik Qazaqstan oblysyndaǵy Ulttyq sport mektebi qanshama sportshylardy tárbıelep, ulttyq quramaǵa qosyp keledi. Bıyl ashylǵanyna 10 jyl tolǵan mektep ujymy aıtýly kúndi tolaǵaı tabystarmen qarsy aldy, dep habarlaıdy QazAqparat tilshisi.
Atalǵan mektepte qazaqtyń at sporty men qyz qýý, teńge ilý, báıge, aýdaryspaq, saıys, kókpar, toǵyzqumalaq sııaqty ulttyq oıyndary boıynsha sportshylar daıyndalady. Astanadaǵy EKSPO-2017 halyqaralyq kórmesi aıasynda ótken barlyq álemdik deńgeıdegi at sporty oıyndary jarysynda dál osy mekteptiń sportshylary. Ońtústik Qazaqstan oblysynyń kúnderi aıasynda ótken birqatar aýqymdy is-sharalarda aýdaryspaq ,teńge ilý,qyz qýý oıyndarynda eshkimge des bermedi. «Qazanat» ıppodromynda ótken kókpardan álem chempıonatynda Qazaqstan quramasy sapynda OQO oblysynyń 5-shabandozy óner kórsetken bolatyn. Osy jarysta Qazaqstan quramasy álem chempıonatynyń tuńǵysh jeńimpazy atandy. Sonymen qatar Ulttyq mekteptiń shabandozdary Aqtóbe qalasynda ótken «Aq bıdaı» aýyl oıyndarynda da top jardy. Ulttyq sport mektebinde qusbegilik óner men olımpıada baǵdarlamasyna engen konkýr sporty da damyp keledi. 
Taǵy asyq atý men láńgi tebý sporty da jaqsy jolǵa qoıylǵan. Endigi kezekte osy sportty jańǵyrtyp, jyl saıyn dástúrli túrde oınaýǵa sportshylar barymyzdy salamyz dep otyr. 
