OQO-nyń Túlkibas aýdanynda birqatar áleýmettik nysandar paıdalanýǵa berildi
Jańa ǵımarattardyń ashylý saltanatyna qatysqan aýdan əkimi Əýelhan Turǵynbekov barsha turǵyndardy mereıli merekemen quttyqtap, oblys basshysy J.Túımebaevtyń izgi tilegin jetkizdi. Jergilikti halyqtyń qýanyshymen bólisken aýdan əkimi mundaı ıgi sharanyń Táýelsizdiktiń arqasynda múmkin bolǵanyn aıtyp, osynaý qasterli baqty máńgige birlese saqtaýǵa shaqyrdy. Osy kúni eń aldymen, T.Rysqulov aýyldyq okrýgi, Azattyq aýylyndaǵy 300 oryndyq mádenıet úıi el ıgiligine berildi. Respýblıkalyq «Jumyspen qamtý-2020» baǵdarlamasy boıynsha kúrdeli jóndeýden ótken mádenıet úıine 75 mln. teńgeden astam qarjy jumsalǵan. Qurylys jumystaryn merdiger mekeme «Nurlysan» JShS-i júrgizdi. Tórt myńnan astam halqy bar aýyldyq okrýg turǵyndary negizinen mal jáne egin sharýashylyǵymen aınalysady. Eldi mekende áleýmettik máseleler oń sheshimin tapqan. Sonymen qatar, atalǵan aýylda kúrdeli jóndeýden ótken əkimdiktiń ǵımaraty paıdalanýǵa berildi. Eki qabatty əkimdik nysanynyń tıisti jumystaryna jergilikti bıýdjetten 84 mln. teńge bólingen. Jumys jasaýǵa barlyq jaǵdaı jasalǵan əkimdikte 14 azamat eńbek etedi. Munan bólek, Təýelsizdiktiń 25 jyldyǵyna tartý retinde aýdanda jańa mektep saltanatty túrde ashyldy. Aýdan ortalyǵy T.Rysqulov aýylynda halyq sanynyń ósýine oraı jańa mekteptiń qajettigine baılanysty «Jankent» shaǵyn aýdanyndaǵy 600 oryndyq jańa mekteptiń qurylysy bitip, paıdalanýǵa berildi. 3 qabatty bilim oshaǵynyń qarjy kózi oblystyq bıýdjetten. Jalpy smetalyq quny 669 mln. 500 myń teńge. Aýyldyq okrýgte 4 mektep ornalasqan. Halyq sany 18902 quraıdy. Bıylǵy jyly atalǵan eldi mekende 280 oryndyq balabaqsha, 96 páterli 2 turǵyn úı, 1 sport kesheniniń qurylysy júrip, el ıgiligine berildi. Sonymen qatar, okrýgtiń ortalyq kóshesi abattandyrylyp, jańa shaǵyn aýdanǵa ınfraqurylym jumystary júrgizildi. Jalpy, Túlkibas aýdanynda Táýelsizdiktiń 25 jyldyǵyna oraı, 20 nysannyń qurylysy júrip, jyl sońyna deıin el ıgiligine berilmek. Egemendigimizdi alǵan jyldardan beri Túlkibasta 157 nysannyń qurylys jumystary júrgizilip, aýdan halqynyń sany 26 myń adamǵa ósti. Shırek ǵasyrda 25 mektep, 2 bala baqsha salynyp, 31 bilim berý mekemeleri kúrdeli jóndeýden ótti. Sonymen qatar, mádenıet salasynda 9 nysan kúrdeli jóndeýden ótip, 2 nysan jańadan salyndy.
