OQO-nyń taýly aýdanynda afrıkalyq erekshe balyq ósirilip jatyr
ShYMKENT. QazAqparat - Ońtústik Qazaqstan oblysynyń taýly aýdanynda Afrıka jaıyny ósirilip jatyr. Aptap ystyqta ómir súretin balyq bulaq sýynda kóbeıýde, dep habarlaıdy QazAqparat HAA tilshisi.
Túlkibas aýdanynyń sharýalary Reseıden ákelingen balyqty arnaıy basseıinderde ósirýde. Búginde 100 myńǵa jýyq shabaǵy bar sharýashylyqta balyqtarǵa qajetti jaǵdaılardyń barlyǵy jasalǵan.
Máselen, olarǵa arnaıy jem daıyndalyp, qorektendiledi. Sonymen qatar, sýdyń temperatýrasyn birqalypty saqtaý úshin basseıinderge arnaıy jylý júıesi ornatylǵan.
Arnaıy kútip baptalyp ósirilgen bir balyqtyń ózi 120 kelige deıin et beredi. Jersinbeı ósip kele jatqan Afrıka jaıynyn Tóle bı aýdany men Túrkistan, Shymkent qalasynyń turǵyndary da satyp alǵan. Mundaǵy sharýashylyqtyń negizgi maqsaty - shabaqtardy qoldan kóbeıtip, oblys halqyn erekshe balyq etimen qamtamasyz etý.
Balyq ósirýshi bul balyq túri jaıly málimetti ınternetten oqyp, tipti Reseı balyqshylarynan tájirıbe almasqanyn aıtady. Aldaǵy ýaqytta sharýashylyq memleketten beriletin nesıege qol jetkizip, jumysyn ary qaraı ulǵaıtýdy kózdep otyr.
