OQO-nyń taýly aýdandarynda qar jaýdy
ShYMKENT. QazAqparat - Ońtústik Qazaqstan oblysynda kún kúrt sýytyp, taýly aýdandarǵa qar tústi, dep habarlaıdy QazAqparat tilshisi.
Keshe keshkisin oblys ortalyǵynda nóser jaýyn jaýyp, tańǵa jýyq toqtady. Aýa temperatýrasy túnde 13-15 gradýs nólden joǵary bolsa, túnde 5 gradýsqa deıin sýytty. Al, taýly aýdandardy qar jaýdy.
«Shymkentte jańbyr asa kóp jaýǵan joq. Al, oblystyń taýly aýdandarda jańbyr tym kóp bolyp, Tóle bı sııaqty taýly aýdandarda qar tústi», - deıdi «Qazgıdromettiń» Ońtústik Qazaqstan oblysy bólimshesiniń mamandary.
Eske salaıyq, buǵan deıin «Qazgıdromet» ortalyǵy ońtústik óńirlerinde kún sýytatyny týraly eskertý jasaǵan bolatyn. 17-19 sáýir aralyǵynda keı aýdandarda nóser jaýyn jaýyp, sý deńgeıi kóteriledi dep boljanǵan. Búgin de ońtústik óńirinde jaýyn jaýady dep kútilýde.
Foto: desk-tops.ru
