OQO-nyń tártip saqshylary arasynda «Parasatty polıtseı» baıqaýy ótti

Jyl saıyn ótkizilip turatyn sharaǵa bul joly qala, aýdandardan kelgen 100-ge jýyq qyzmetker qatysty, dep habarlaıdy «QazAqparat HAA tilshisi.

 Qazaqstan polıtsııasynyń 25 jyldyǵyna oraı uıymdastyrylǵan shara ishki ister organy qyzmetkerleri arasynda memlekettik tildi nasıhattaý, Otanǵa degen súıispenshilikti arttyrý, sondaı-aq memlekettik tildiń qoldaný aıasyn keńeıtý maqsatynda uıymdastyryldy. 16 komanda quramyndaǵy qatysýshylar kópshiliktiń aldynda óz ónerlerin ortaǵa salyp, kásiı biliktilikterin baıqatty. Óz oılaryn memlekettik tilde erkin jetkizip, ártistik qabilettikterin kórsetti. Úsh kezeńnen turatyn saıys tartysty ótti. Árbir komanda ózderin tanystyryp bolǵan soń, aldyn ala daıyndap kelgen úı tapsyrmalaryn oryndady. Sahnalyq qoıylymdar qoıýmen qatar, talapqa saı beınerolıkterin kórsetti.


 Tartysty ótken sharanyń qorytyndysy boıynsha qazylar alqasy «Bas júldeni» Eńbekshi polıtsııa bóliminiń «Qaqpan» komandasyna berdi. Birinshi oryndy Shymkent qalalyq ІІB jol-patrýldik polıtsııa polkiniń «Jol perishteleri» komandasy ıelendi. Ekinshi orynǵa Tólebı aýdandyq ІІB men Ál-Farabı PB turaqtady. Al úshinshi oryndy - Qarataý PB men Arys aýdandyq ІІB enshiledi.Sonymen qatar, jeńimpazdar «Uıymshyl komanda», «Ónerli polıtseı», «Tapqyr komanda», «Úzdik kapıtan» jáne «Kórermen kózaıymy» nomınatsııalary boıynsha marapattaldy.  Іs-shara sońy kontsertke ulasty.