OQO-nyń sport basqarmasy basshysy láńgi tebýden rekord jasady
Asa tartysty ótken saıysta láńgi tebýde eń myqty qatysýshy 42-upaı aldy. Al, jarysta oıynnan tys qatysqan óńirdiń sport basqarmasynyń basshysy Álibek Nurtaev 45 upaı jınap, ońtústikte rekord jasady. Jalpy komandalyq esep boıynsha ulttyq oıynnyń bul túrinen birinshi oryndy Báıdibek aýdanynyń sportshylary ıemdendi. Al, ekinshi orynǵa Sozaq aýdanynan kelgen jastar turaqtasa, úshinshi oryn Qazyǵurt aýdanynyń jigitterine buıyrdy. Asyq atýda Báıdibekten kelgen Musa Bıbolsyn atty sportshyǵa qarsylas shaq kelmedi. Ulttyq oıynnyń bul túrinen de Báıdibek aýdanynyń oıynshylary birinshi oryndy enshilense, ekinshi oryn Túlkibastan kelgen komandaǵa buıyrdy. Al úshinshi oryndy Tólebı aýdanynyń jastary qanaǵat tutty. 
Sonymen qatar qyzdar arasynda ótip jatqan bes asyq saıysynda Qazyǵurt aýdanynan kelgen Halıpa Ápeshova eptiligimen kózge tústi. Degenmen komandalyq esepte Báıdibek aýdanyna birinshi, Otyrar aýdanynyń qyzdaryna ekinshi oryn berildi.
Jeńimpazdardy "Qazsport" arnasynyń kommentatory Ermek Tórenııazov arnaıy quttyqtap, aldaǵy ýaqytta mundaı bastamalarǵa udaıy qoldaý kórsetetinin jetkizdi. Endi jeńimpaz komandalar men úzdik oıynshylar respýblıkalyq jarysqa qatysady.