OQO-nyń sharýalary qulpynaı ósirýden mol tabys taýyp otyr
ShYMKENT. QazAqparat - Ońtústik Qazaqstan oblysynyń sharýalary qulpynaı ósirýden mol tabys taýyp otyr. Jıdektiń bul túrin egý ásirese Saryaǵash, Saıram, Maqtaral aýdandarynda jaqsy jolǵa qoıylǵan, dep habarlaıdy QazAqparat HAA tilshisi.
Saıram aýdanyna qarasty Mankent aýyldyq okrýgi boıynsha 100 gektar jerge qulpynaı ósiriledi. Mundaǵy sharýalar qulpynaı egiletin alqaptyń qorshaýyn turǵyzyp, sýarý júıesin quryp qoıǵan. Alqaptyń topyraǵyn qunarlandyrýǵa da úlken kóńil bólip, qulpynaıdy ylǵaldy topyraqta ósirýde. Topyraqtyń ylǵaldylyǵyn saqtaý úshin onda tyńaıtqyshtar tógilip, tıisti kútim jasap keledi. Bıylǵy ónim kólemi de oıdaǵydaı»,-deıdi dıqandar.
«Kóktemde pisip jetilgenge deıin qulpynaıdan 1 aıda 1 ret ónim alsaq, 3 kúnde 1 ret sýaryp otyramyz. Ár aryq atyzynyń uzyndyǵy - 75 metr. Qulpynaıdyń ereksheligi - ony otyrǵyzǵan topyraqty 5 jylǵa deıin qozǵamaıdy. Sonymen qatar, tamyryn bir qatyryp, bir bosatyp otyrǵasyn, qulpynaıdyń beretin ónimi de óte usaq bolady»,-deıdi jergilikti sharýa qojalyǵynyń tóraǵasy Shavkat Hakımbaev.
Dıqannyń sózinshe, egistik alqapqa qulpynaıdyń «Vıktorııa» degen túri egilipti. Sebebi, ózge sorttarǵa qaraǵanda onyń ónimdiligi joǵary eken. Jınalǵan jemistiń úlken sheleginiń ózi 9 keli tartady. Pisken ónim búginde Almaty jáne Astana qalalaryna satýǵa jiberilýde. Kelisin 300 teńgeden satyp jatqan aýyl turǵyndary mol tabysqa kenelip otyrǵanyn alǵa tartady.
