OQO-nyń Shardara aýdanynda 9 otbasy baspanaly boldy
ShYMKENT. QazAqparat - Ońtústik Qazaqstan oblysynyń Shardara aýdanda 9 otbasy baspanaly boldy. «Qoljetimdi baspana - 2020» baǵdarlamasy aıasynda jańa qonysqa qol jetkizgender negizinen aýyl turǵyndary, dep habarlaıdy QazAqparat HAA tilshisi.
Atap aıtqanda, Egizqum, Dostyq, Sútkent aýyldarynda 9 úıdiń qurylysy aıaqtalyp, páter ıelerine jańa úıdiń kiltteri tabys etildi. Úsh aýyldaǵy saltanatty sharaǵa qatysqan aýdan ákiminiń mindetin atqarýshy Qaırat Joldybaı jańa qonysqa ıe bolyp otyrǵan azamattarǵa qutty bolsyn aıtty.
«Qazirgi tańda memleketimiz halyqtyń turmys-jaǵdaıyn jaqsartýǵa baǵyttalǵan kóptegen baǵdarlamalardy ómirge ákelip, eldiń ıgiligine jaratyp jatyr. Shalǵaıdaǵy aýyldardan barlyǵy 9 úıdi arnaıy komıssııanyń sheshimimen tapsyryp otyrmyz. Bul úılerge negizinen, kóp balaly otbasylar, dıplomdy jas mamandar qonystanady. Jańa qonystaryńyz jaıly bolsyn!» - dedi Qaırat Joldybaıuly.
Úılerdi tapsyrý kezinde shashý shashylyp, januıalar jańa baspanalaryna qonystandy. Óz kezeginde shalǵaı aýyl turǵyndary memleket tarapynan qolǵa alynyp jatqan ıgi bastamalarǵa rızashylyqtaryn bildirdi.
«Jas mamandarymyz búgin úıli bolyp, qýanyp jatyr. Muny memleketimizdiń úlken qamqorlyǵy dep túsinemiz. Merekede mereıimizdi asyryp jatqan aýdan basshylaryna alǵysymyz sheksiz», - dedi Sútkent aýylynyń qarııasy Orazbek Seıdomarov.
Aýdandyq qurylys, sáýlet jáne qala qurylysy bólimi mamandarynyń málimetinshe, aldaǵy ýaqytta «Qoljetimdi baspana - 2020» baǵdarlamasy aıasynda taǵy da Alataý batyr, Kóksý aýyldarynan bir páterli jańa úılerdiń qurylystary júrgiziledi.
