OQO-nyń shalǵaı aýdanynda elektrondyq qyzmet kórsetý úlesi artpaq

ShYMKENT. QazAqparat - Ońtústik Qazaqstan oblysynda memlekettik qyzmetterdiń sapasyn jáne elektrondyq túrde kórsetiletin qyzmetter úlesin arttyrý jóninde májilis ótti. Maqtaral aýdanynda ótken jıynǵa qala, kentter, aýyldyq okrýgter ákimderi, aýdandyq qyzmet usynýshy bólimderdiń basshylary, halyqty jumyspen qamtý ortalyǵynyń qyzmetkerleri qatysty, dep habarlaıdy QazAqparat HAA tilshisi.

Jıynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamentiniń «Memlekettik kórsetiletin qyzmetter» basqarmasynyń bas mamany, top jetekshisi Nurjan Sarǵaldaqov baıandama jasap, jıynǵa qatysýshylardy birqatar jańalyqtardan habardar etti. Aýdan ákimi apparaty uıymdastyrý-ınspektorlyq bóliminiń bas ınspektory  Erlan Turymbetovtiń aıtýynsha, Maqtaral aýdany ákimdiginiń derbes bólimderi, qala, kentter men aýyldyq okrýgteri ákimderimen aǵymdaǵy jyldyń 6 aıynda  206 myńnan asa memlekettik qyzmet kórsetilgen. Onyń ishinde qaǵaz júzinde ári  tikeleı - 182 887 qyzmet,  «Azamattar úshin úkimet» memlekettik korporatsııalary Halyqqa qyzmet kórsetý ortalyqtary  arqyly - 11 974 (6%),  elektrondyq úkimettiń veb-portaly arqyly - 12 016  (6%) qyzmet júzege asqan.

Memlekettik qyzmetterdiń sapasy men elektrondy túrde kórsetiletin qyzmetterdiń úlesin arttyrý maqsatynda qala, kentter men aýyldyq okrýgteri ákimderiniń, derbes bólimderdiń jáne  mektepterdiń ınformatıka páni muǵalimderine slaıd arqyly elektrondy tsıfrlyq qoltańba alý, e.gov.kz portalynan qyzmetter alý múmkindikteri keńinen túsindirilgen.

Sonymen qatar,  aýyldyq okrýgterde keńes berý jáne elektrondy túrde  qyzmetterdi alý boıynsha 24 qala, kent, aýyldyq okrýgteri ákimderiniń 48 mamany Halyqqa qyzmet kórsetý ortalyqtarynda  arnaıy oqdan ótti.