OQO-nyń Otyrar aýdanyna gaz tartyla bastady
ShYMKENT. QazAqparat - Ońtústik Qazaqstan oblysynyń Otyrar aýdanyna gaz qubyryn tartý jumystary bastaldy. Kógildir otynǵa aldymen Temir men aýdan ortalyǵy Sháýildir aýylynyń turǵyndary qol jetkizetin bolady, dep habarlaıdy QazAqparat tilshisi.
Búgin atalǵan aýyl okrýgterinde merdiger kompanııa qubyr tartýǵa jerdi qazý jumystaryn bastap ketti. Aıtýly kúndi gaz taratýshy kompanııa ujymy saltanatty túrde atap ótti. Osynaý sharaǵa qatysqan aýdan ákimi Erlan Aıtahanov merdiger kompanııanyń jumysyna sáttilik tiledi.
«Bıyl Otyrar aýdanynyń turǵyndary kópten beri arman etken gaz tartý jumystary bastaý alyp otyr. Osydan 3-4 jyl buryn osy sáttiń kelerine el senbeıtin edi. Mine búgin Elbasymyz Nursultan Nazarbaevtyń bastamasymen qabyldanǵan memlekettik baǵdarlamalardyń arqasynda osy bir tarıhı sáttiń kýási bolyp otyrmyz. Aldaǵy ýaqytta Temir, Sháýildir aýyldarynan basqa jıyrma eki eldimekendi gazben qamtamasyz etý kózdelip otyr», - dedi aýdan basshysy.
Sondaı-aq jıynda aýyl qarııalary sóz alyp, osyndaı aýqymdy jumystardy júrgizýge yqpal jasaǵan aýdan ákimdigine alǵysyn aıtty.
