OQO-nyń mas turǵyny Astanada erli-zaıyptylardyń ómirin qıdy
ASTANA. 16 qazan. QazAqparat - Astanada ishimdikke sylqııa toıǵan Ońtústik Qazaqstan oblysynyń turǵyny erli-zaıyptylardy óltirdi.
Bul týraly elordadaǵy brıfıng barysynda QR ІІM resmı ókili Nurdildá Oraz málimdedi.
«Qaıǵyly oqıǵa «Almaty» aýdanyndaǵy úılerdiń birinde bolǵan: 30 jastaǵy er adam janjal kezinde qalanyń 59 jastaǵy turǵynyna pyshaq salyp óltirgen. Keıin dál sol úıdiń aýlasynda qylmystyń izin jasyrý úshin onyń áıelin de o dúnıege attandyrǵan, - dedi QR ІІM resmı ókili.
N.Orazdyń sózine qaraǵanda, qandyqol qylmysker qaza bolǵan adamnyń 17 jastaǵy nemere qaryndasyna da qol jumsamaq bolǵan. «Qyz pyshaq jaraqattarymen aýrýhanaǵa jatqyzyldy. Qylmystyq is qozǵaldy. Kúdiktini polıtseıler qolǵa túsirdi. Ol qamaýǵa alyndy», - dep naqtylady QR ІІM resmı ókili.
