OQO-nyń Maqtaral bos orynǵa máslıhat depýtatyn saılaýǵa daıyn
ShYMKENT. QazAqparat - Ústimizdegi jyly 30 qazanda Maqtaral aýdanynda da oryny bosaǵan oblystyq máslıhat depýtatynyń ornyna saılaý ótedi, dep habarlaıdy oblys ákimdiginiń baspasóz qyzmeti.
Saıası naýqan qarsańynda Ońtústik Qazaqstan oblysty aýmaqtyq saılaý komıssııasy tóraǵasynyń orynbasary Ámirdın Álishov pen osy komıssııanyń múshesi Altynbek Kettebekov Myrzakent kentindegi «Aq altyn» mádenıet úıinde ornalasqan №25 saılaý okrýginiń naýqanyna daıyndyq jumystarymen tanysty jáne arnaıy jıyn ótkizip, okrýgtik, ýchaskelik saılaý komıssııasy múshelerimen kezdesti.
Bas qosýda №25 saılaý okrýgi komıssııasynyń hatshysy Gúljan Qaldarbekova saılaýǵa ázirlik boıynsha atqarylyp jatqan jumystardy baıandady. Qazirgi tańda osy saılaý okrýginen oblystyq máslıhat depýtattyǵyna kandıdat bolyp belgili kásipker Baýyrjan Jamalov, Jetisaı qalasyndaǵy №122 orta mektep dırektorynyń oqý isi jónindegi orynbasary Jandos Saparov jáne «Myrzakent» maqta óńdeý zaýytynyń agronomy Abjapar Sydyqovtar tirkelgen.
Alǵashqyda saılaýǵa alty úmitker tirkelgenimen keıin ekeýi kandıdatýralaryn óz erikterimen qaıtaryp alǵan, bireýi deklaratsııa qujatynda kezdesken kemshilik úshin dodadan shyǵyp qalǵan.
Búginigi kúni 27 523 saılaýshy tizimi jasaqtalyp, olarǵa saılaýǵa qatysý úshin arnaıy shaqyrý qaǵazdary jiberilgen. Saılaý ótetin 28 saılaý ýchaskesinde tehnıkalyq uıymdastyrýshylyq jumystary tolyq sheshilgen, naýqanǵa daıyndyqtary oıdaǵydaı.
Saılaýaldy úgit-nasıhat jumystary zań aıasynda ótkizilip, oblystyq máslıhat depýtattyǵyna kandıdattar Myrzakent, Jambyl, Birlik, Iirjar, Eńbekshi, Jańa jol aýyl okrýgi turǵyndarymen kezdesti.
