OQO-nyń qol kúresshileri Mysyr elinde myqtylyqtaryn moıyndatty
ShYMKENT. QazAqparat - Ońtústik Qazaqstan oblysynyń qol kúresshileri Mysyr elinde myqtylyqtaryn moıyndatty. Shardaralyq sportshylar Qazaqstan-Egıpet jekpe-jeginde taza jeńiske jetip, el mereıin ústem etti, dep habarlaıdy QazAqparat HAA tilshisi.
Mysyr eliniń astanasy Kaır qalasyndaǵy Gızza aýdanynda armrestlıng sportynan Álem kýbogy kezeńi aıasynda Qazaqstan men Egıpet quramalarynyń jekpe-jegi ótti. 11 salmaq dárejesi boıynsha jerlesterimiz Afrıka qurlyǵynyń myqty sportshylary sanalatyn mysyrlyq qarsylastarymen kúsh synasty. Sásekede Shardara aýdanynyń jigitterinen quralǵan Qazaqstan Respýblıkasynyń quramasy el namysyn qorǵap, jeńimpaz atandy. 60 kelide synǵa túsken Medet Orazbekov Afrıka qurlyǵynyń chempıony Omar Saıdtan basym túsip, jeńis tuǵyryna kóterildi. 65 keli salmaqta Talǵatbek Rústembek Abdel Rahmandy, 70 keli salmaqta Erjan Ábilda Salah Áshrafty, 75 keli salmaqta Talǵat Aqtaev Mustafa ıÝsrııdi aıqyn basymdyqpen utty. Bul úsh qarsylas ta Afrıka qurlyǵynyń chempıondary. Al, 80 kelide ortaǵa shyqqan Maǵjan Shámıev Álem chempıonatynyń júldegeri Muhammed Sarahtan basym tússe, 85 kelidegi Ǵalymjan Qarsybaev Egıpet memleketiniń chempıony Mustafa Toǵatty jeńdi. 90 keli salmaqtaǵy aıtýly palýanymyz Nurdáýlet Sádýaqasov Egıpet eliniń chempıony Alas Eldınnen, 95 kelidegi Ǵanı Malbasov Egıpet eliniń taǵy bir chempıony Abdal Naserden basym túsip, jeńis tuǵyryna kóterildi. 100 keli salmaqta Qydyrǵalı Ońǵarbaev Álem chempıonatynyń júldegeri Muhammed Abdel Rahmandy jeńse, 110 keli salmaqta Rysdáýlet Muhambetov Egıpet chempıony Abdel Saııdtan basym tústi. 110 keliden joǵary salmaqta kúsh synastyrǵan Medet Quttymuratov Afrıka qurlyǵynyń chempıony Ahmed Monnany aıqyn basymdyqpen utty.
Aıta keteıik, Shardaralyq sportshylardyń alys saparǵa baryp kelýine oblystyq dene shynyqtyrý jáne sport basqarmasy qoldaý kórsetti. Endi taıaý ýaqytta Qazaqstan-Ózbekstan quramalarynyń qol kúresshileri kúsh synasady dep kútilýde. Bul báseke mamyr aıynyń bas kezinde Shardara qalasynda ótedi.
