OQO-nyń klınıkalyq aýrýhanasynda jańa angıografııalyq tehnologııa qoldanysqa endi
ShYMKENT. QazAqparat - Ońtústik Qazaqstan oblysynyń klınıkalyq aýrýhanasynda jańa angıografııalyq tehnologııa qoldanysqa endi. Sáýleli túsirilim arqyly emdeý júıesi endi naýqastardyń rentgenohırýrgııalyq emdelýine múmkindik týǵyzady, dep habarlaıdy QazAqparat tilshisi.
Osyǵan deıin 4 naýqasty otaǵa beıimdep úlgergen angıografııanyń qarapaıym rentgen apparatynan tıimdi tustary óte kóp. Bul qondyrǵy angıografııa qantamyrlary men onyń tóńiregindegi ulpalardy rentgen sáýleleri arqyly tekserýdiń jańa ádisi bolyp tabylady. Munyń tıimdiligi orasan. Qozǵalys shektelip, qan tamyrlary tarylyp, onda aqaý kóbeıgen tusta dıagnozdy dóp basýǵa septigin tıgizedi. Arnaıy apparat qantamyrǵa ornalastyrylatyn arnaıy kateter arqyly jumys isteıdi.
Aıta keteıik, jańa ádis Astana, Almaty, Atyraý qalalarynyń medıtsınalyq mekemelerinde qoldanylyp úlgergen. Endi, sońǵy úlgidegi jańa tehnologııa ıgiligin shymkenttik dárigerler de kóretin boldy. Philips Allura Xper FD 20/15 joǵary klasty bıplandy angıografııalyq júıesi naýqastar úshin sáýlelik júktemeniń tómendigimen, sholý aýmaǵynyń keńdigi jáne sýrettiń joǵary sapaly bolýymen tıimdi bolyp otyr. Apparat kómegimen dárigerler naýqastyń júrek, búırek, ókpe jáne mıyna otalyq em qanshalyqty qajet ekenin joǵary sapada anyqtaı alady.
Endi, jyl saıyn Oblystyq klınıkalyq aýrýhanada osy angıograf júıesimen 1000-ǵa jýyq joǵary mamandandyrylǵan otalar men 1500-den asa zertteýler júrgiziledi dep josparlanyp otyr. Al, qantamyr aýrýlary boıynsha zardap shekken naýqastar nátıjeli emniń ıgiligin kórmek.
