OQO-nyń ındýstrıaldy aımaqtarynda jańadan 20 kásiporyn iske qosylady
ShYMKENT. QazAqparat - Ońtústik Qazaqstan oblysynda negizgi basymdyq ındýstrıaldy aımaqtardy damytýǵa berilip, qosymsha 20 kásiporyndy iske qosý josparlanyp otyr. Bul týraly oblys ákimi Janseıit Túımebaev málimdedi, dep habarlaıdy QazAqparat tilshisi.
Elbasy Qazaqstan halqyna arnaǵan «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri atty» Joldaýynda «ındýstrııalandyrý jańa tehnologııalardy engizýdiń kóshbasshysyna aınalýy tıis» dep atap ótken bolatyn. Soǵan sáıkes aǵymdaǵy jyly óńirde 11 ındýstrıaldy aımaqta jalpy quny 40 mlrd teńgeniń jobasy júzege asyrylmaq. Nátıjesinde 1500-den astam adam jumyspen qamtylady dep kútilýde.
Bıyl iske qosylatyn iri kásiporyndardyń biri - «Shymkent Temir» seriktestigi bolat quıý óndirisimen aınalysady. Joba quny 4 mlrd 290 mln teńgeni quraıtyn zaýyt jylyna 240 myń tonna ónim shyǵarýǵa qaýqarly bolady. Zaýyt tolyq iske qosylǵan jaǵdaıda 349 adam jumyspen qamtylady dep josparlanyp otyr. Atalǵan kásiporynnyń jumysymen tanysqan oblys basshysy zaýytqa memleket tarapynan tıisti qoldaý kórsetiletinin de atap ótti. Bıyl sondaı-aq, jalpy quny 7,5 mlrd teńgeni quraıtyn metallýrgııa zaýytynyń qurylysy júrgizilýde. 100 adamdy jumyspen qamtıtyn «Amır-A» JShS jylyna 150 myń tonna metall ónimderin shyǵarýdy josparlap otyr. Qazirgi kezde eki zaýytta da qurylys jumystary belsendi túrde júrýde.
«Óńirge tartylǵan ınvestıtsııaǵa keletin bolsaq, oblys ekonomıkasyna 482 mlrd teńge ınvestıtsııa baǵyttalyp otyr. Bul kórsetkishpen oblys respýblıkada aldyńǵy orynda. ıAǵnı, osy óńirge ınvestıtsııa tartý maqsatynda ótken jyly shetel ınvestorlarymen 40-tan asa iskerlik kezdesýler ótkizilgen. Nátıjesinde, Reseımen kishi gıdroelektrstantsııasynyń qurylysy, Qytaımen - bıoetanol men fosfor tyńaıtqyshy zaýyttary, kún sáýlesinen elektr qýatyn óndiretin elektrstansasynyń qurylystaryn júrgizý jóninde kelisimder jasaldy. Investıtsııa tartý jumystaryn kúsheıtý jáne sheteldik ınvestorlarmen jumysty uıymdastyrý maqsatynda 2017 jyldyń maýsym aıynan bastap oblysta «Kazakh Invest» Ulttyq kompanııasy» AQ óńirlik ókildigi ashyldy. Jalpy ótkizilgen ınvestıtsııalyq forýmdar men is-sharalardyń nátıjesinde, ótken jyly syrttan tartylǵan ınvestıtsııa kólemi 94,6 mlrd teńgeni qurap, ósim 48%-ǵa jetti»,-dedi Janseıit Túımebaev.
Aıta keteıik, byltyrǵy jyly oblysta Indýstrııalandyrý kartasy aıasynda 36,4 mlrd teńgege (1 myńǵa jýyq jumys orny) 18 joba iske qosylǵan bolatyn.
