OQO-nyń densaýlyq uıymdary medıtsınalyq aqparattyq júıemen qamtamasyz etiledi
ShYMKENT. QazAqparat - Ońtústik Qazaqstan oblysyndaǵy jedel medıtsınalyq kómek qyzmetin halyqaralyq standarttarǵa sáıkestendirý maqsatynda kelesi aıda biryńǵaı Call-ortalyǵymen planshet arqyly baılanyspen jabdyqtalǵan 74 birlik sanıtarlyq avtokólik jumysyn bastaıtyn bolady, dep habarlaıdy QazAqparat HAA tilshisi.
Bul týraly qaladaǵy №4 oblystyq perınataldyq ortalyqta QR Premer-Mınıstri Baqytjan Saǵyntaev bastaǵan jumysshy top aldynda baıandama jasaǵan oblystyq densaýlyq saqtaý basqarmasynyń basshysy Muqan Egizbaev málim etti.
Onyń aıtýynsha, atalǵan jańa júıe árbir medıtsınalyq kómek brıgadasyna naýqasqa jetý ýaqytynda onlaın rejımde patsıent týraly aqparat alýǵa múmkindik beredi. Oblystyń medıtsınalyq uıymdaryn keshendi medıtsınalyq aqparattyq júıemen qamtamasyz etý maqsatynda eki kezeńde júzege asyrylatyn is-sharalar jospary bekitilip, tıisti jumystar atqarylýda. Birinshi kezeńge sáıkes, jyl basynan beri oblystyń 35 ambýlatorııalyq-emhanalyq uıymynda medıtsınalyq aqparattyq júıe ornatylǵan. Ekinshi kezeńge sáıkes jyldyń sońyna deıin 68 medıtsınalyq uıymda medıtsınalyq aqparattyq júıe qurý josparlanyp otyr.
«Oblysta keshendi medıtsınalyq aqparattyq júıe qoldanysqa engizilýde. Bul júıeni iske asyrý úshin 8 582 kompıýter satyp alyndy. Jyldyń sońyna deıin oblystyń barlyq medıtsınalyq uıymdary 100 paıyz kompıýtermen jabdyqtalatyn bolady. ıAǵnı, biryńǵaı server medıtsınalyq uıymdardy patsıent týraly elektrondyq aqparat almasý úshin baılanystyrady. Jınaq aqparat avtomattandyrylǵan túrde jergilikti atqarýshy organdardaǵy sıtýatsııalyq ortalyǵyna túsip otyrady», - deıdi Muqan Egizbaev.
Jańa júıe qolanysqa ense, qaǵaz túrindegi qujat aınalymy azaıyp, naýqastardyń medıtsınalyq uıymdary arasynda júrýin edáýir qysqartady. Sondaı-aq, oblys halqy respýblıkada alǵashqylardyń biri bolyp, elektrondyq densaýlyq pasporttaryna qol jetkizbek.
Bıyl oblysta modýldik ıaǵnı quramaly medıtsınalyq pýnktterdi satyp alý joba iske qosyldy. Jyl sońyna deıin 20 modýldik medıtsınalyq pýnkter el ıgiline berilmek. Osyndaı bir pýnkttiń quny jergilikti bıýdjet úshin qurylys salýǵa qaraǵanda eki ese arzanǵa túsedi. Máselen, qurylys júrgizýge 2 jyldaı ýaqyt ketetin bolsa, modýldik medıtsınalyq bekterdi 2 aı ishinde qurastyryp, turǵyzýǵa múmkindik bar. 2018 jyly oblysta dál osyndaı quramaly medıtsınalyq pýnktterdiń sany 67-ge jetkizilmek. Atalǵan joba tolyq iske assa, oblystyń medıtsınalyq pýnktterge degen qajettiligin qysqa merzimde 100 paıyzǵa óteýge múmkindik týǵaly otyr.
Budan bólek, óńirdegi ana óliminiń kórsetkishi bıylǵy jyldyń 8 aıynda 44 paıyzǵa tómendegen. Sondaı-aq, náresteler ólim-jitiminiń kórsetkishi sońǵy 5 jyl ishinde azaıdy. Óıtkeni, aımaqta balalar men bosanatyn áıelderge járdem berý maqsatynda medıtsınalyq kómek kórsetýdiń biriktirilgen úlgisi qoldanysqa engizildi.
Atqarylǵan jumystarǵa oń baǵa bergen Úkimet basshysy jedel medıtsınalyq kómek qyzmetin halyqaralyq standarttarǵa sáıkestendirý maqsatyndaǵy jumystardy jyl sońyna deıin aıaqtaýdy tapsyrdy.
