OQO-nyń damýyna qatysty qyzyqty 30 derek

OQO ákiminiń baspasóz qyzmetiniń málimetinshe, qyzyty derekterdegi aqparattar oblys ákimi Janseıit Túımebaevtyń oblystyq máslıhattyń kezekti XIV sessııasynda bıylǵy jyldyń 7 aıynda atqarylǵan jumystar boıynsha bergen esebinen alyndy.

1. Ońtústik Qazaqstan oblysynda І jartyjyldyqta jalpy óńirlik ónimi 1,4 trln. teńgeni qurap, ósim 101,5 paıyzǵa jetti;

2. 2017 jyldyń 7 aıynda oblysta 439,1 mlrd tegeniń ónerkásip ónimi óndirilip, ótken jyldyń sáıkes kezeńimen salystyrǵanda 0,3 paıyzǵa ósken;

3. OQO-da 187,8 mlrd teńgeniń aýyl sharýashylyq ónimi óndirilip, kólemi ótken jyldyń tıisti kezeńimen salystyrǵanda 2,7%-ǵa artty;

4. Ońtústikte osy jyly qosymsha 297 kooperatıv qurylyp, jalpy sany 539-ǵa jetti. Ótken jylǵa qaraǵanda 2 ese artqan. Kooperatsııa qurý jumystary boıynsha Ońtústik Qazaqstan oblysy respýblıka boıynsha І orynda.

5. OQO-da jyl basynan beri 2 179 shaǵyn mal bordaqylaý alańdary ashylyp, jalpy 11 746 birlikke jetti. Al, osy ýaqyt ishinde 621 januıalyq sút fermalary iske qosylyp, 2 661 birlikti qurady.

6. Egis kólemi ótken jylmen salystyrǵanda 27,4 myń ga kóbeıtilip, 816,2 myń gektarǵa jetti;

7. 2017 jyly negizgi kapıtalǵa 229,9 mlrd teńge ınvestıtsııa tartyldy. Bul ótken jyldyń tıisti kezeńimen salystyrǵanda 31%-ǵa artty, ıaǵnı, 50 mlrd teńgege kóp. Bul respýblıkadaǵy úlesiniń 5,7 % qurady.

8. Óńirge kóptep ınvestıtsııa tartý maqsatynda jyl basynan beri shetel ınvestorlarymen 40-tan asa iskerlik kezdesýler uıymdastyryldy. Nátıjesinde, BAÁ - medıtsınalyq buıymdar jáne dárilik zattar shyǵaratyn zaýyt salý, Reseı elimen - Eýro-5 standartyna saı janar-jaǵarmaı óndiretin munaı óńdeý zaýyty men Qytaı elimen birlese bıoetalon, fosfor tyńaıtqyshyn shyǵaratyn jáne 200 MVt kún elektr stantsııasyn salý úshin kelisimge keldi.
 

9. «Nurly jol» baǵdarlamasy aıasynda bıyl oblysta 32 nysannyń qurylysy júrgizilýde. Qurylys jumystarynyń nátıjesinde ýaqytsha 4 460 jumys orny quryldy. 7 aıda 2 mekteptiń qurylysy aıaqtalsa, jyl sońyna deıin 16 (6 apatty, 10 úsh aýsymdy) jáne oblystyq bıýdjetten qosa qarjylandyrý esebinen 3 mekteptiń (2 apatty, 1 úsh aýsymdy), 3 ınfraqurylymdy paıdalanýǵa berý josparlanýda.
 

10. «Nurly jer» baǵdarlamasynyń 5 baǵyty boıynsha 226 turǵyn úı qurylysy júrgizilýde (10 879 páter, 737,6 myń sharshy metr). Bıyl 115 úıdiń (6 375 páter, 388,7 myń sharshy metr) qurylysy aıaqtalyp, paıdalanýǵa beriledi. Búgingi tańǵa josparlanǵan 6 375 otbasynyń 3 123-i baspanamen qamtyldy. 

11. Respýblıka boıynsha shaǵyn jáne orta kásipkerlik sýbektileriniń sany jaǵynan kósh bastaıtyn Ońtústikte búginde jumys istep turǵan ShOK sýbektileri 177 709 birlikke jetti. Al, bul salada jumyspen qamtylǵandar 331 490 adamdy qurasa, olarmen 158,3 mlrdteńgeniń ónimi óndirilgen.

12. Osy jyldyń jeti aıynda 10 naýqasqa búırek almastyrý, 3 naýqasqa baýyr almastyrý otasy jasaldy. 

13. «Emhanaǵa tirkel de - áleýmettik medıtsınalyq saqtandyrý júıesindegi óz mártebeńdi anyqta!» naýqany aıasynda emhanaǵa 2,8 mln. adam tirkelgen. 

14. Mektepke deıingi bilim berý uıymdary 1 677-ke jetti. Bul ótken oqý jylymen salystyrǵanda 95-ke kóp. Al, 3-6 jas aralyǵyndaǵy balalardyń balabaqshamen qamtý kórsetkishi 170 myń bala paıyzy - 86,1% (2016 j. - 84,6%). 

15. Jańa oqý jylynda oblys mektepterinde 640 myńǵa jýyq oqýshy (2016 j. - 611 myń oqýshy) bilim alady dep kútilýde, onyń 73 myńy birinshi synypqa barady. 

16. OQO-da 79 bilim berý nysandarynyń qurylysy júrgizilip jatyr. Onyń ishinde jyl basynan beri 7 mektep tapsyrylsa, onyń 6-ýy jańa mektep. Al, 1 qyrkúıek kúni 20 mektep paıdalanýǵa berilse, 2 - ýi jyl sońynda tapsyrylady (2018 j.- 50 ótpeli). Osylaısha, bıyl 8 apatty jáne 12 úsh aýysymdy mektepterdiń máselesi sheshiletin bolady.

17. «Serpin-2050» jobasy aıasynda, Soltústik, Shyǵys, Batys Qazaqstan oblystarynyń jáne Aqtóbe, Aqmola, Qostanaı, Pavlodar, Qaraǵandy, Atyraý oblystarynyń joǵary oqý oryndarynda - 4 698 jas, kolledjderde - 929 jas bilim alýda. 
 

18. «Dıplommen aýylǵa» jobasy aıasynda, aǵymdaǵy jyly 966 mamanǵa 153,8 myń teńge kóleminde birjolǵy kóterme járdemaqy qarastyrylyp, búgingi tańda 673 jas maman jumysqa ornalasty.

19. «Órleý» jobasy boıynsha shartty aqshalaı kómek 14 457 otbasyndaǵy 83 306 adamǵa 4,2 mlrd. teńge taǵaıyndalyp tólendi, olardyń ishindegi 17 406 eńbekke jaramdy azamattyń 15 764-i turaqty jumyspen qamtyldy. Bul jobany oryndaý boıynsha óńirimiz respýblıkada І orynda. 

20. Respýblıkalyq jáne Azııa chempıonattarynda, Álem chempıonattary men Kýboktarynda oblys sportshylary 443 altyn, 421 kúmis, 418 qola medal jeńip aldy.

21. 2017 jyly sý qubyry múldem joq 10 eldi meken , ıaǵnı, 12,3 myń halyq jańa aýyz sý qubyrlarynyń qurylysy júrgizilip, paıdalanýǵa beriledi. 

22. 2017 jyly óńirdegi 72 eldi mekende gazdandyrý qurylysynyń jumystary júrgizilýde. Jumys kólemi ótken jylmen salystyrǵanda 3 esege artqan. Jyl sońynda 50 e.m. ıaǵnı, 80 myń halyq tabıǵı gazben qamtylady.

23. Oblystyq jáne aýdandyq mańyzy bar 801,8 shaqyrym joldarda qurylys-jóndeý jumystary júrgizilip, jyl sońyna deıin 115,4 shaqyrym jol paıdalanýǵa beriledi. 

24. «Rýhanı jańǵyrý» baǵdarlamasynyń qoǵamdyq sanasyn jetildirýdiń 6 baǵytyn júzege asyrý aıasynda oblysta 428 túrli josparly is-sharalar júrgizildi jáne 95 joba júzege asyrylady.
 

25. Shekaralyq Ógem ózeni jónindegi Ózbekstan Respýblıkasynyń kelisimi nátıjesinde 700 myń adam aýyz sýmen qamtamasyz etilmek.

26. 2006 jyldan beri jabylǵan halyqaralyq mańyzy bar «Tashkent - Termez» baǵytyndaǵy avtomobıl joly men «Syrdarııa» ótkizý pýnkti qaıta paıdalanýǵa berildi. 

27. Ońtústik Qazaqstan oblysynda tarıhı-mádenı mańyzy bar 1281 eskertkish esepke alyndy.

28. Indýstrııalandyrý kartasymen oblysta jyl basynan beri quny 1,7 mlrd teńge bolatyn 3 joba iske qosyldy. Al,jyldyń sońyna deıin 14joba júzege asyrylmaq. 
 

29. 2017 jyly «Ontustik» kásipkerlerge qyzmet kórsetý ortalyǵy 11,3 myń kásipkerge kómek kórsetildi.  

30. Kásipkerlikti qoldaý maqsatynda «Ońtústik» aımaqtyq ınvestıtsııalyq ortalyǵy 7% mólsherlememen 1 963 jobany qarjylandyrdy.