OQO-nyń birqatar aýdandarynda nóserli jańbyr sýy úılerdiń aýlalaryn basyp qaldy
ASTANA. 5 qarasha. QazAqparat - 4 qarasha kúni Ońtústik Qazaqstan oblysynda tolassyz jaýǵan jańbyrdyń saldarynan (26-28 mm)
Tólebı, Túlkibas, Saıram aýdandary men Shymkent qalasynyń Zabadam kentindegi turǵyn úılerdiń aýlalaryn sý basty.
QR TJM-niń baspasóz qyzmetinen habarlaǵandaı, Saıram aýdanynyń Aqsýkent kentinde turǵyn úıdiń jertólesindegi sýdy soryp alý jumysyna OQO TJD-niń 13 adamy men 1 tehnıkasy, jergilikti 6 turǵyn men ákimdiktiń 4 qyzmetkeri jumyldyryldy.
Zabadam kentinde aryqty tazalaýmen jáne úıdiń aýlasynan sýdy soryp alýmen jerlikti 35 turǵyn aınalysty.
Túlkibas aýdanynyń Túlkibas kentinde, 3 turǵyn úıdiń aýlasynan sýdy shyǵarý jumysyna Ońtústik Qazaqstan oblysy boıynsha TJD-niń 13 adamy men 1 tehnıkasy, aryqtardy tazalaýǵa jerlikti 50 turǵyn, ákimdiktiń 10 qyzmetkeri men 3 tehnıkasy tartyldy.
Tólebı aýdanynyń Jylan aýylynda 2 turǵyn úıdiń aýlasynan sýdy soryp alý jumysyna Ońtústik Qazaqstan oblystyq TJD-niń 23 adamy men 1 tehnıkasy, aryqtardy tazalaýǵa jerlikti 30 turǵyn, 3 arnaıy qural jáne ákimdiktiń 10 qyzmetkeri jumyldyryldy.
Dostyq aýylynda 2 turǵyn úıdiń jertólesinen jáne 4 úıdiń aýlasynan sýdy soryp alýǵa Ońtústik Qazaqstan oblysy boıynsha TJD-niń 13 adamy men 1 tehnıkasy, 1 arnaıy qural, jerlikti 14 turǵyn, ákimdiktiń 10 qyzmetkeri men 2 tehnıkasy tartyldy.
Saǵat 19.00-de apatty-qutqarý jumystary aıaqtaldy. Qıraǵan úıler, qaza bolǵandar men zardap shekkender joq. Tótenshe jaǵdaıdy joıýǵa Ońtústik Qazaqstan oblystyq TJD-niń 62 adamy, 5 tehnıkasy men 5 arnaıy quraly, jergilikti halyq pen ákimdiktiń 169 adamy, 5 tehnıka jáne 3 arnaıy qural jumyldyryldy.
