OQO-nyń balalar dárigerleri lıtvalyq mamandarmen tájirıbe almasady
ShYMKENT. QazAqparat - Ońtústik Qazaqstan oblysyndaǵy perınataldyq ortalyqtardyń 32 dárigeri lıtvalyq áriptesterimen tájirıbe almasatyn bolady. Eki el mamandary negizinen, akýsherlik jáne neonataldy kómek kórsetýdiń tıimdiligi týrasynda keńespek, dep habarlaıdy QazAqparat tilshisi.
Ana men bala densaýlyǵyn saqtaýda jaqsy kórsetkishke qol jetkizgen pedıatr mamandarmen búgin oblystyń densaýlyq saqtaý basqarmasynyń basshysy Muqan Egizbaev kezdesip, aldaǵy jumystaryn pysyqtady. Sebebi, elimizde árbir besinshi sábı ómirge keletin óńirde ana men bala densaýlyǵyn saqtap qalý men sapaly qyzmet kórsetý mańyzdy sanalady. Máselen Lıtva elinde jylyna bar-joǵy 3 myńdaı náreste ǵana dúnıege keledi eken. Alaıda onda analar densaýlyǵynyń turaqtylyǵy jaǵynan kórsetkishi jaqsy. Statıstıkaǵa súıensek, bizdegi bul kórsetkish 70 myńnan asyp jyǵylady. Degenmen kúrmeýi sheshilmegen máseleler kóp. Eki aptalyq semınar kezinde mamandar ońtústikte qalyptasqan tájirıbemen tereń tanysyp, keleli keńesterin beredi. Tájirıbe almasýǵa kelgen 5 dáriger de Ǵylym-densaýlyq ýnıversıteti klınıkasynyń mamandary. Olar - týý jasyndaǵy analardyń densaýlyǵyn jaqsartý, dúnıe esigin ashqan náresteni kútip - baptaýda joǵary biliktilikke ıe.
«Qazaqstanda barlyq joǵary tehnologııalar júıesi jaqsy qalyptasqan eken. Náreste ómirin tolyqtaı saqtap qalýǵa bolady. Biz osy semınar arqyly ony ári qaraı damytýǵa kómektesemiz. Birlesken jobadan joǵary jetistikter kútýge bolady»,- deıdi Lıtvalyq neonotolog dáriger Rasa Brınkıs.
Sala mamandarynyń sózinshe, sheteldik dárigerler negizinen evropada qoldanylatyn tájiıbelerin kórsetetin bolady. Ońtústiktegi jınaqtalǵan tájirıbe almasady.
Aıta keteıik, Lıtvalyq densaýlyq ǵylymy ýnıversıtetiniń klınıkasy men Ońtústik Qazaqstan oblysyndaǵy mamandardyń tájirıbe almasýy 2010 jyldan beri iske asyp keledi. Qol jetkizilgen jetistikter de jeterlik. Sondyqtan bul áriptestikti tereńdetýdiń Qazaqstan úshin tıimdiligi joǵary.
