OQO-nyń ánshileri Shvetsııada ótken Naýryz toıynda óner kórsetti

ShYMKENT. QazAqparat  - Ońtústik Qazaqstan oblysynyń Fınlıandııaǵa attanǵan bir top ánshileri  Shvetsııadaǵy qazaq ulttyq mədenı ortalyǵynyń Naýryz meıramyna qatysty, dep habarlaıdy QazAqparat tilshisi.

Qazaqstannyń ystyq sálemin arqalaı barǵan óner maıtalmandary sheteldegi qandastarmen birge Ulystyń uly kúnin toılap, jyrdan shashý shashty. Qazaqtyń ánin áýeletip, qasıetti dombyramen kúı shertti. Óz ónerlerimen shettegi baýyrlastardyń kóńilinen shyqqan mádenıet qyzmetkerlerine Qazaqstannyń Shvetsııadaǵy elshisiniń kómekshisi Jánııa Mýhadıeva men ortalyqtyń jetekshisi  Gúlmıra Asylbekovalar zor iltıpatyn bildirdi. Naýryzǵa jınalǵan qaýymdy ulyq merekemen quttyqtady.

Aıta ketsek,  2018 jylǵy 17-24 naýryz kúnderi Fınlıandııa Respýblıkasynyń Helsınkı qalasynda ótetin «Jumbaq Jibek joly» Halyqaralyq ashyq ortaazııalyq festıvaline Qazaqstannyń atynan qatysý úshin ońtústikten bir top ánshiler  attanǵan bolatyn. Olar kúni búginge deıin Fın eliniń  birqatar qalalaryn aralap,  kontserttik baǵdarlamalarmen jurtshylyqty tánti etti.