OQO-nyń 300 azamatyn aqmolalyq kompanııa jumysqa qabyldaıtyn boldy
ShYMKENT. QazAqparat - Ońtústikqazaqstandyq 300 azamat Aqmola oblysynda iri kásiporyndardyń biri bolyp tabylatyn «Novopek» kompanııasynda jumys isteýge múmkindik aldy.
Mundaı kelisimge oblys ákiminiń orynbasary Erbol Sadyr men atalǵan kompanııanyń basqarýshy dırektory Aıdar Jaqypovpen bolǵan ekijaqty memorandým aıasynda qol jetkizildi.
Memorandým aıasynda zaýyt basshysy Aıdar Jaqypov oblystan baratyn 300-ge jýyq azamatty jumyspen qamtyp qana qoımaı, baspana máselesin sheshýge kómektesetinin atap ótti. Bul sharalar eńbek kúshi aıtarlyqtaı artyq Ońtústikten jumys qolynyń tapshylyǵy seziletin Aqmola oblysyna turǵyndardy qonystandyrý maqsatynda jasalyp otyr.
Esterińizge salsaq, ótken aptada Aqmola oblysynyń ákimi Málik Myrzalın Ońtústik Qazaqstan oblysyna jasaǵan sapary aıasynda polıetılen qaptaryn shyǵaratyn «Novopek» zaýyty men basqa da óndiristik kásiporyndarda jumys kúshiniń tapshylyǵy baıqalatynyn atap ótken bolatyn. Osynyń negizinde Shymkent pen Kókshetaý qalasy arasyndaǵy baılanysty nyǵaıtý maqsatynda birqatar kompanııalar men Ońtústiktegi memlekettik mekemeler arasynda ekijaqty kelisimder jasaldy. Máselen, «Shymkent» ÁKK UQ men «Esil» ÁKK UQ arasyndaǵy yntymaqtastyqty kúsheıtý týraly jáne «ENKI»JShS men OQO qurylys basqarmasy ózara memorandým túzdi. Kelisimder eki oblys arasyndaǵy qarjylyq damý men yntymaqtastyq baılanysty kúsheıtýge baǵyttalǵan.
