OQO mereke kúnderi 160-tan astam qylmystyń izin sýymaı ashyldy
ShYMKENT. Qazaqparat - Ońtústik Qazaqstan oblysynda tártip saqshylary mereke kúnderi kúsheıtilgen rejimde jumys istedi, dep habarlaıdy Qazaqparattyń aımaqtaǵy tilshisi.
«Kún saıyn eki myńdaı polıtsııa qyzmetkeri qoǵamdyq tártipti qadaǵalaýǵa shyqty. Olar kósheler men adam kóp jınalatyn oryndardy qadaǵalady. Nátıjesinde, tórt kúnniń ishinde 160-tan astam qylmystyń izi sýymaı ashyldy», deıdi oblystyq ishki ister departamentiniń resmı ókili Saltanat Qarakózova.
Qylmystyń deni ózgeniń múlkin ıemdený men páter tonaýǵa qatysty bolǵan. Máselen, el jańa jyldy toılap júrgende, tártip saqshylary beınebaqylaý qondyrǵysynyń kómegimen dúken tonaǵan kúdiktini ustaǵan. 25 jastaǵy jigit saýda ornynyń terezesi arqyly 30 qorap temekini qoldy etken. Alaıda, kóp uzamaı tártip saqshylarynyń qolyna túsken. Qazir, sezikti Shymkent qalasy, Abaı aýdandyq ishki ister basqarmasyna jetkizildi. Sotqa deıingi tergeý amaldary bastalyp ketti.
Almas Sultan
