OQO: Memlekettik ýnıversıtette «Rýhanı kelisim - birlik bastaýy» taqyrybynda alqaly jıyn ótti
ASTANA. QazAqparat - «Rýhanı kelisim - birlik bastaýy» degen ataýmen Shymkenttegi Muhtar Áýezov atyndaǵy Ońtústik Qazaqstan memlekettik ýnıversıtetinde jıyn bolyp ótti, dep habarlaıdy QazAqparat atalmysh oqý ornynyń baspasóz málimetterine silteme jasap.
Shara El Táýelsizdiginiń 25 jyldyǵy men rýhanı kelisim kúnine oraı uıymdastyryldy. Іrgeli oqý ornynyń bilim keńistigindegi bastamalary baıandy. Munda eń alǵash bolyp, qazaqstandyq turaqtylyq pen tatýlyqtyń tuǵyry bolatyn «Qazaqstan halqy Assambleıasy» kafedrasyn ashyldy. Jıyndy sol kafedra ujymy uıymdastyrdy. Basqosýda rýhanı kelisim kúniniń mańyzy, mazmuny jáne qajettiligi kópshilikke túsindirildi.
Qazaqstan musylmandary dinı basqarmasynyń ókil ımamy jınalǵandarǵa eldi dúrliktirgen terrorızm týrasynda taǵylymdy ýaǵyzyn arnady. Jastardy teris dinı aǵymnan jırendirdi. Din dińgegi bekem, ata saltqa berik eldiń beıbitshilik besigi, shattyq shańyraǵy shaıqalmaq emes. Stýdentterge osy jaǵy túsindirildi.
Ustazdar Assambleıa kafedrasynyń memlekettik saıasatty nyǵaıtýdaǵy rólin osyndaı sharalarmen kúsheıtpek. Atalmysh ýnıversıtet bilim berip qana qoımaı, jastardyń tárbıesine de aıryqsha mán beredi. Tek merekelerde ǵana emes, basqa ýaqyttarda da jastardyń basyn qosyp, tárbıelik mazmundaǵy keleli keńester men aıtýly sharalardy uıymdastyryp otyrady.
Osy joly kóterilgen taqyryp búgingi qoǵamda óte ótkir turǵan másele. Jastardy dinı fanatızmnen qorǵaý jáne olardy ulttyq tárbıemen sýsyndatý sııaqty jumystar dál búgingi tańda aýadaı qajet. Ońtústik Qazaqstan oblysy boıynsha osy baǵytta atqarylyp jatqan jumystar az emes.
