OQO memqyzmetshileri jarylystan zardap shekken otbasylarǵa bir kúndik jalaqylaryn aýdarmaq
ShYMKENT. QazAqparat - Ońtústik Qazaqstan oblysynyń ákimdigi men Shymkent qalasy ákimdigi jáne oblystyq basqarmalar qyzmetkerleri qaladaǵy jeke úıdiń janynan japsarlas salynǵan baspanada gaz-aýa qosyndysy saldarynan oryn alǵan oqys oqıǵadan zardap shekken otbasylarǵa bir kúndik jalaqylaryn aýdarmaqshy, dep habarlaıdy QazAqparat HAA tilshisi oblys ákimdiginiń baspasóz qyzmetine silteme jasap.
Zardap shekken januıalarlarǵa qarjylaı kómek kórsetý maqsatynda arnaıy jeke esepshottar ashylady. Atalǵan memlekettik mekeme jumyskerleri bir kúndik jalaqylaryn qaıyrymdylyq kómek retinde beredi. Sonymen qatar jeke kásipkerler men oblys turǵyndary da barynsha jan-jaqty kómek kórsetýge nıetti. Oqıǵa bolǵan kúni shuǵyl túrde avarııalyq-qutqarý jumystary uıymdastyrylyp, atalǵan azamattarǵa jergilikti bıýdjet qarjysynan medıtsınalyq jáne áleýmettik kómek qoldaýlary kórsetildi. Sonymen qatar, zardap shekken otbasylardy ýaqytsha baspanamen qamtý maqsatynda qaladaǵy 17-18 shaǵyn aýdanynan páter usynylyp otyr. Jáne oqys oqıǵadan qaza bolǵan azamatshanyń jerleýi tıisti mekeme tarapynan uıymdastyrylyp, tıisti qoldaýlar jasaldy.
Eske sala keteıik, 8 qańtarda Shymkentte jeke turǵyn úı o pyrylyp qulap, saldarynan 5 adam zardap shekken edi. Sonyń ishinde 29 jastaǵy kelinshek úıinde astynda qaıtys bolǵan. Qazir osy oqıǵaǵa baılanysty arnaıy qurylǵan jumys toby zertteý isimen aınalysyp jatyr.
Almas SULTAN
