OQO medıtsına qyzmetkerlerine 29 avtokóliktiń kilti tapsyryldy
ASTANA. QazAqparat - Búgin Ońtústik Qazaqstan oblysynyń ákimi Janseıit Túımebaev medıtsına qyzmetkerleri kúni kásiptik merekesine oraı densaýlyq saqtaý salasynyń birqatar ardagerin qabyldap, «Oblysqa sińirgen eńbegi úshin» medalimen marapattady, dep habarlaıdy óńirlik ákimdiktiń baspasóz qyzmeti.
Óńir basshysynyń qolynan marapat alǵandardyń qatarynda densaýlyq saqtaý salasynda 54 jyl eńbek etken 81 jastaǵy Tursynbek Orazalıev, dáriger-dıetolog, medıtsınada 45 jyldyq eńbek ótili bar Roza Qýandyqova, pedıatrııaǵa 44 jylyn arnaǵan Jumabaı Ádenov pen naýqastardy emdeýde jańa tehnologııalardy endirýge úles qosqan Raýshan Jylqyshıeva, zeınetke shyqsa da óńir medıtsınasyn damytýǵa áli de atsalysyp kele jatqan «Shymkent qalasy jáne Ontústik Qazaqstan oblysy ıntertıch otbasylyq-dárigerlik ambýlatorııa» jeke mekemesiniń dırektory Marııa Áljanova bar. 
Sondaı-aq, aımaq basshysy emdeý-aldyn alý mekemelerine 29 sanıtarlyq kóliktiń kiltin saltanatty túrde tabys etti.
«Adam janynyń arashasy bolyp tabylatyn dárigerlerdiń qoǵamdaǵy orny erekshe. Densaýlyq saqtaý salasy - memlekettik saıasattyń basym baǵyttarynyń biri. Sondyqtan bizdiń oblysymyzda bul salaǵa bólinetin qarjy jyldan jylǵa artyp keledi. Sonyń arqasynda bizdiń medıtsınalyq mekemelerimiz eń ozyq úlgidegi qural-jabdyqtarmen jabdyqtalyp, emdeýdiń tıimdi tásilderi qoldanylyp keledi. Oblysymyzdaǵy medıtsınalyq uıymdardyń sanıtarlyq avtoparkin jańartý halyqqa kórsetiletin medıtsınalyq kómekti ýaqytyly jáne sapaly qoljetimdigin arttyrady dep senemin», - dedi Janseıit Qanseıituly.
Jańa avtokólik naýqasqa alǵashqy kómek kórsetý maqsatynda barlyq quraldarmen qamtamasyz etilgen. ıAǵnı, medıtsına qyzmetkerleriniń bul avtokólikter arqyly naýqasqa kez kelgen jerde alǵashqy kómek kórsetip, emdeý joldaryn bastap ketý múmkindigi bar.
Aıta keteıik, jedel járdem qyzmetiniń jáne alǵashqy medıtsınalyq-sanıtarııalyq kómektiń sanıtarlyq avtoparkin jańalaý boıynsha jumystar turaqty túrde júrgizilýde. Sońǵy 5 jylda bıýdjet esebinen alǵashqy medıtsınalyq-sanıtarııalyq jáne jedel járdem kómegine 273 dana sanıtarlyq avtokólik, onyń ishinde 163 danasy aýyldyq jerlerge satyp alyndy.
Sanıtarlyq avtokólikter - oblysymyzda táýligine emhanalyq kómekke qaralatyn 34 myń adamǵa, jedel medıtsınalyq kómekke júginetin 5 myńnan astam adamǵa - medıtsınalyq qyzmettiń sapasyn joǵarlaýyna óz septigin tıgizedi. Oblys qólemindegi medıtsınalyq uıymdar 1154 avtokólikpen qamtylǵan, onyń ishinde jedel járdem kómeginde 261 dana sanıtarlyq avtokólik bar.
