OQO: Maqtaaraldyq sharýalar qaýyn-qarbyzdyń alǵashqy legin Reseıge jóneltti
ASTANA. QazAqparat - Ońtústik Qazaqstan oblysynda baqsha ónimderin óndirýmen tanymal Maqtaaralda qaýyn-qarbyz pisti. Erte pisetin baqsha daqylynyń túrin ekken sharýalar búginde 55 tonna qaýyn, 45 tonna qarbyz jınap, alǵashqy ónimin Reseı memleketine jónelte bastady, dep habarlaıdy oblystyq ákimdiktiń baspasóz qyzmeti.
Maqtaaral aýdanynda baqsha ónimderi byltyrǵyǵa qaraǵanda 10-15 kún erte pisip otyr. Bıyl aýdanda jalpy 19 500 gektarǵa qaýyn, 8 myń gektardan astam jerge qarbyz egilgen. Onyń ishinde erte egilgen baqsha daqyldarynyń kólemi 13200 gektardy quraıdy.
Qarbyzdan alǵash bop ónim alǵan «Ábish-ata» sharýa qojalyǵy 20 tonna ónimin syrtqy naryqqa shyǵaryp otyr. Qarbyzdyń kelisi 140 teńgeden. Atalǵan qojalyq 3 gektar jerge egilgen qarbyzdyń gektaryna 30 tonnadan astam ónim alýdy josparlap otyr.
Dıqanshynyń jumysyna sáttilik tileı kelgen aýdan ákimi Jamantaı Beısenbaev «Ábish-ata» sharýa qojalyǵynan ónimniń alǵashqy legi artylyp jatqan sátke kýá boldy.
«Maqtaaral aýdanynyń negizgi kúnkórisi - eginshilik. Sondyqtan mundaǵy dıqandar kóktemniń árbir kúnin tıimdi paıdalanýdy oılaıdy. Eki qabatty plenkaǵa erte pisetin qaýyn-qarbyz, baıaldy, bolgar buryshyn egedi. Búgin mine, qarbyzdyń alǵashqy ónimi Reseıdiń ıAkýtııa avtonomııalyq respýblıkasyna satylymǵa jóneltildi. Bıyl sharýalardyń ónimi ótimdi ári ónimdi bolady degen senim mol», - dedi aýdan ákimi.
Aıta keteıik, byltyr Ońtústik Qazaqstan oblysynyń dıqandary 1 mıllıon 300 myń tonna baqsha ónimderin óndirse, sonyń 631 myń tonnasy maqtaaraldyq dıqandarǵa tıesili bolatyn.
