OQO qutqarýshylary toı kortejin qar qursaýynan alyp shyqty
ShYMKENT. QazAqparat - Ońtústik Qazaqstan oblysynda qutqarýshylar toı kortejin qar qursaýynan alyp shyqty. Jańa túsken kelindi aýylǵa alyp bara jatqandar Báıdibek aýdanyndaǵy Shybyqbel asýynda turyp qalypty, -dep habarlaıdy QazAqparat HAA tilshisi.
Tańǵy segizder shamasynda jolǵa shyqqan kúıeý jigit pen týystary mingen bes kólik Aqtas aýylyna bet alǵan.
Alaıda joldaǵy qar men kóktaıǵaqtan júre almaı qalypty. Ózderi shyǵa almaǵan soń qutqarýshylardy kómekke shaqyrǵan. Oqıǵa ornyna oblystyq TJD-ǵa qarasty shuǵyl qutqarý jasaǵy attanady. «Trekol» jol tańdamaıtyn arnaıy kóligimen jetken qutqarýshylar Shybyqbel asýynda turyp qalǵan 6 jolaýshyny keziktiredi.
«Olardyń beseýin biz asýdaǵy qutqarý beketine jetkizip tastadyq. Bir júrgizýshi bizben birge barýdan bas tartty. Sebebi kóligin tastap ketkisi kelmedi. «Jol qardan tazartylǵan soń, ózim ketemin» dep jaýap berdi»,-deıdi qutqarý jasaǵynyń jetekshisi Pavel Vıshenın.
Qaıtar jolda qutqarýshylar Shybyqbel asýynda turyp qalǵan taǵy bes adamdy qutqardy.
