OQO qurylys basqarmasyna jańa basshy taǵaıyndaldy

ASTANA. QazAqparat - Búgin Ońtústik Qazaqstan oblysy ákiminiń ókimimen oblystyq qurylys basqarmasynyń basshysy laýazymyna Quttybek Rahmatýllauly Jamashev taǵaıyndaldy, dep habarlaıdy óńir basshysynyń baspasóz qyzmeti.

Quttybek Rahmatýllauly 1961 jyly týylǵan, bilimi joǵary. Almaty arhıtektýra-qurylys ınstıtýtyn bitirgen. Mamandyǵy boıynsha qurylys ınjeneri,  tehnıka ǵylymdarynyń kandıdaty.

Eńbek jolyn 1984 jyly Krasnoıarsk ólkesinde Sharıpov qalalyq elektr jáne ınjenerlik júıeler mekemesiniń sheberi bolyp bastaǵan. 1986-1992 jyldary Shymkent turǵyn úı qurylysy kombınatynyń montajshysy, «Shymkentjılstroı» jobalaý-qurylys birlestiginiń montajshysy,   2-dárejeli ınjeneri laýazymdaryn atqarǵan.

Memlekettik qyzmette 1993-2004 jyldary aralyǵynda Ońtústik Qazaqstan oblysy kedendik baqylaý departamentiniń ınspektory, bas ınspektory, bólim bastyǵy laýazymdaryn atqarǵan.

2004-2007 jyldar aralyǵynda «Qazaq-orys tekstıli alıansy» JShS bas dırektorynyń kommertsııalyq máseleler boıynsha orynbasary, dırektory, «Ońtústik arnaıy ekonomıkalyq aımaǵy dırektsııasy»   dırektorynyń orynbasary, 2007-2009 jyldary Ońtústik Qazaqstan oblysy qurylys departamenti  dırektorynyń orynbasary, Ońtústik Qazaqstan oblysy memlekettik sáýlet qurylys baqylaýy departamenti dırektorynyń orynbasary, Ońtústik Qazaqstan oblysy qurylys basqarmasynyń bastyǵy, 2009-2011 jyldary aralyǵynda Shymkent qalasynda qurylys bólimi bastyǵynyń orynbasary, jumyspen qamtý jáne áleýmettik baǵdarlamalar bólimi  bastyǵynyń orynbasary, qurylys bóliminiń bastyǵy laýazymdarynda qyzmetter atqarǵan.

2011 jyldyń qarasha aıynan bastap Ońtústik Qazaqstan oblysy boıynsha memlekettik sáýlet-qurylys baqylaý jáne lıtsenzııalaý departamentiniń dırektory, Ońtústik Qazaqstan oblysy memlekettik sáýlet-qurylys baqylaýy basqarmasynyń basshysy boldy.