OQO: Kilem toqý fabrıkasy ónimin budan ári órkendete túspek
ShYMKENT. QazAqparat - Astanada ótken «Altyn sapa» Qazaqstannyń úzdik taýary» baıqaýynda Ońtústik Qazaqstan oblysyndaǵy alpaýyt kásiporyn «Nazar Tekstıl» fabrıkasy bul baıqaýda bási joǵary bolyp, «Halyq tutynatyn úzdik taýarlar» nomınatsııasy boıynsha І dárejeli dıplommen marapattaldy, dep habarlaıdy oblys ákimdiginiń baspasóz qyzmeti.
Syndarly dodanyń 11 talap-tileginiń údesinen shyǵyp, júldeli orynǵa ıe boldy. Kilem toqýdyń zamanaýı tehnologııasyn meńgergen jeńil ónerkásip ornynda búginde 130 maman jumys isteıdi.
Otandyq taýar elimizdiń ár aımaǵynan bólek, shetelge de eksporttalýda. Reseı, Qyrǵyzstan, Tájik elderi Shymkent kilemin moıyndaǵan. Shıkizat qazir, kórshi elderden tasymaldanady. Keler jyly buıyrtsa, baıtaǵymyzdyń bas taýar brendin jeńip alǵan kásiporyn óndiristiń órisin keńeıtpek. Jip ıirý tsehyn iske qosady. Fabrıka óndiristik jobany tolyq iske asyrǵan tusta ımportqa degen táýeldilik joıylmaq. ıAǵnı, otandyq óndiristiń ishki naryqty 100 paıyz qamtýǵa qaýqary jetedi.
Іri baıqaýdaǵy bul jeńis fabrıka ujymyna jańa múmkindikterdiń kókjıegin ashyp, mindetin júktemek. Erekshe ekshep ótken jón. «Nazar-tekstıl» qatysqan Respýblıkalyq «Altyn sapa» baıqaýy budan bylaı jańa nomınatsııalarmen tolyqtyrylmaq. Endi kásiporyndar men óndiris oshaqtary «Uly dala» úzdigi ataný úshin júldeli orynǵa talasady. Bul jetistikke óz ónimderin shetel naryǵyna eksporttap, eldiń ındýstrııalandyrý saıasatyna súbeli úles qosqandar ǵana jetpek.
