OQO: Kentaýda kásipkerlik qarqyn aldy
ShYMKENT. QazAqparat - Ońtústik Qazaqstan oblysynyń Kentaý qalasynda shaǵyn jáne orta kásipkerlik órken jaıyp keledi, dep habarlaıdy qala ákimdiginiń baspasóz qyzmeti.
Oǵan memleket tarapynan beriletin tómen paıyzdy nesıe men monoqala baǵdarlamasy boıynsha bólinetin granttardyń kómegi kóp bolýda. Máselen, sońǵy tórt jylda qalada 36 joba arnaıy grantqa ıe bolǵan. Nátıjesinde shaǵyn shahardaǵy jumyssyzdyq deńgeıi tómendep keledi. Jyl basynda jumysyn bastaǵan shaǵyn sút óńdeý tsehy memlekettik kómektiń arqasynda aıaqqa turyp keledi. Qazir sút ónimderiniń 9 túrin shyǵaratyn tseh qurylysyna «Maksımým» aımaqtyq ınvestıtsııalyq ortalyǵy 20 mln. teńge nesıe bergen. Búginde jıyrmaǵa jýyq azamat sonyń ıgiligin kórip, nápaqa aıyryp otyr. Aldaǵy jospar da aýqymdy. Ahmet Ótebaevtyń aıtýynsha, 2017 jyly brendke aınalǵan Kentaý sút ónimderin Shymkent shaharyna tasymaq nıette. Sol jaqta óz dúkenderin ashyp, ary qaraı damytsaq degen maqsattary bar. Osylaısha, kenshiler qalasynda memlekettik qoldaýdyń arqasynda shaǵyn kásipkerlik damyp keledi. Eger bıylǵy jobalar júz paıyz qýatynda jumys istese, bul kórsetkishtiń aldaǵy ýaqytta áli de jaqsara túseri anyq.
