OQO kedenshileri jyl basynan 10 qylmystyq is qozǵady
ShYMKENT. 12 maýsym. QazAqparat - Ońtústik Qazaqstan oblysy boıynsha Kedendik baqylaý departamenti kontrabandaǵa qarsy kúres basqaramasynyń qyzmetkerleri 2012 jyldyń 5 aıynda 10 qylmystyq is qozǵady.
Olardyń 8-i «Ekonomıkalyq kontrabanda» baby boıynsha, 1-eýi - kedendik tólemder men alymdardy tóleýden jaltarý, taǵy bireýi - «Esirtki zattarynyń kontrabandasy» baby boıynsha qozǵaldy, dep habarlandy departamenttiń baspasóz qyzmetinen.
«Aıta keteıik, 5 aıdyń ishinde qylmystyq ister boıynsha ótelgen shyǵyndardyń somasy 54 mln. 784 myń teńgeni qurady. Sottyń úkimimen memlekettiń kirisine 11 mln. 25 myń teńgeniń taýary tárkilendi», - dedi departamenttiń baspasóz hatshysy Baıan Qaıypova.
Onyń málimetterine kóz júgirtsek, 5 aıdyń ishinde qozǵalǵan qylmystyq ister boıynsha tárkilengen taýarlardyń somasy 55 mln. 591 myń teńgeni qurady. Bul 2011 jyldyń osy kezeńimen salystyrǵanda shamamen 37 mln. teńgege kóp.
Sonymen qatar 599 ákimshilik is qozǵaldy. 14 mln. 955 myń teńgege aıyppul salyndy. Onymen birge keden organyna - 10 mln. 445 myń teńge aıyppul salyndy, bul 2011 jyldyń osyndaı kezeńimen salystyrǵanda 2 esege artyq.
