OQO kedenshileri temirjol vagondarynan 2 myńnan astam dinı kitaptar tapty

ShYMKENT. 16 shilde. QazAqparat - Ońtústik Qazaqstan boıynsha kedendik baqylaý departamentiniń qyzmetkerleri 2 myńnan astam dinı baǵyttaǵy kitaptardy anyqtady.

Ótinish berilmegen júk kedendik tekserý barysynda anyqtaldy, dep habarlady KBD-niń baspasóz qyzmeti. 

«Saryǵash» temirjol stansasynda kedendik qosymsha tekserýdi iske asyrý úshin konteınermen birge temirjol platformasy qorshaýǵa alyndy. Jiberýshi - «Slava Matar Treıdıng» (BAÁ, Dýbaı q.), al «AVS PLUSLTD «Týrıster úshin»» (Qyrǵyzstan Respýblıkasy, Bisheke q.) kompanııasy qabyldap alýshy bolyp tabylady.

«Kedendik tekserý kezinde konteınerde tasymaldaýǵa ruqsat berilgen qujattyń ishinde belgilenbegen taýarlar anyqtaldy, atap aıtqanda 16 dana «Panasonic» markaly beınekameralar, 3 dana jazý qurylǵylary (dıktofondar), sondaı-aq arab tilinde 24 túrli 2051 dinı kitap anyqtaldy», - dedi ıÝ. Qaıýpova.

Temirjol vagonynda tabylǵan kitaptardyń mazmunyn anyqtaý jáne olardyń ekstremıstik ádebıetke qanshalyqty qatysy bar ekendigin bilý maqsatynda OQO boıynsha dinı ister jónindegi departamentke ótinish jiberildi.