OQO: «Qazaq romansıadasy» halyqaralyq baıqaýy ótti
ASTANA. 7 qazan. QazAqparat - Shymkentte «Qazaq romansıadasy» HV halyqaralyq romans oryndaýshylar baıqaýy bıyl 16-ret ótkizilip otyr.
Búginde romansıada Orta Azııa memleketteri men alys jáne jaqyn shet elderden, elimizdiń barlyq oblystarynan úmitkerler qatysatyn tanymal baıqaýǵa aınalýda. Bul týraly Ońtústik Qazaqstan oblysy ákimdiginiń baspasóz qyzmetinen habarlandy.
«Shymkenttegi romansıada baıqaýy jyl óte aıaqqa nyq turyp, túrlenip, qazaq romanstary men qazaq akademııalyq vokaldyq mýzykasyn nasıhattap keledi. Bıylǵy baıqaýǵa Reseı, Tájikstan, Ózbekstan, Qyrǵyzstan memleketterinen jáne elimizdiń Almaty, Astana qalalary men Aqtóbe, Ońtústik Qazaqstan oblystarynan 60-qa jýyq úmitker qatysty. Baıqaýǵa Reseı Federatsııasynyń Eńbek sińirgen óner qaıratkeri, Eńbek sińirgen ártisi Galına Preobrajenskaıa, Reseı Federatsııasynyń halyq ártisi Arıstarh Lıvanov, Máskeý romansıadasynyń arnaıy kontsertmeısteri Oksana Petrıchenko, Ózbekstan Respýblıkasynyń Eńbek sińirgen ártisi Avaz Radjabov, Qyrǵyz Respýblıkasyna eńbek sińirgen ártisi Igor Vorontsovtar qazylyq etti. Mártebeli meımandardan quralǵan qazylardyń ózi sózsiz baıqaýdyń deńgeıin kóterip, tyńdarmandaryna aıryqsha áser berip keledi», - delingen baspasóz baıanynda.
Baıqaý qorytyndysy boıynsha Bas júldeni Baqyt Jaqypov (Bishkek, Qyrǵyzstan) ıelendi. Júlde qory - 200 000 teńge. 1-oryn Ýmıd Israılovqa (Qoqand, Ózbekstan), Emıl Sakavovqa (Almaty, Qazaqstan), Balnur Japarovaǵa (Shymkent, Qazaqstan) buıyrdy. Júlde qory - 100 000 teńge. 2-oryndy Azat Málik (Astana, Qazaqstan), Saıan Isın (Bishkek, Qyrǵyzstan), Farangız Shamsıeva (Samarqand, Ózbekstan) ıelendi. Júlde qory - 80 000 teńge. 3-orynǵa Bekzot Holmırzaev (Tashkent, Ózbekstan), Ýlıana Semenova (Tashkent, Ózbekstan) laıyq dep tanyldy. Júlde qory - 60000 teńge.
«Qazaq romansy» nomınatsııasy boıynsha 1-oryndy jáne 80000 teńgeni Damır Sadýaqasov (Almaty, Qazaqstan), 2-oryndy jáne 60000 teńgeni Erbol Narımanuly (Astana, Qazaqstan), Gúlfarıza Zııatdınova (Almaty, Qazaqstan), 3-oryndy jáne 40000 teńgeni Nurjan Júsipbekov, Juldyzaı Musaeva ıelendi.
«Romansıada arýy» arnaıy júldesi men 15000 teńge Saltanat Baıjumanovaǵa (Astana, Qazaqstan) buıyrsa, «Úzdik orys romansyn oryndaýshy» arnaıy nomınatsııasy men 20000 teńge Jýndaıdýllo Hodjaevqa buıyrdy.
