OQO qarjylyq baqylaý ınspektsııasynyń jetekshisi jol apatynan kóz jumdy

Bul oqıǵa 6 tamyz kúni Jambyl oblysynda boldy, dep habarlady marqumnyń uly Ǵalym Taǵaev.

Baqtybaı Taǵaev 1965 jyly týǵan. Bilimi joǵary, mamandyǵy boıynsha zańger, ekonomıst-menedjer.

Eńbek jolyn OQO áleýmettik qamsyzdandyrý bóliminiń býhgalter-revızory bolyp bastaǵan. Oblystyq áleýmettik qamsyzdandyrý bóliminiń mamany, jetekshi mamany, Maqtaaral aýdany boıynsha áleýmettik jumyspen qamtamasyz etý basqarmasynyń bastyǵy, Túrkistan qalasy boıynsha salyq komıtetiniń bastyǵy, Saıram aýdany boıynsha salyq basqarmasynyń bastyǵy bolyp qyzmet atqarǵan.

2013 jyldyń jeltoqsanynan bastap OQO boıynsha salyq departamentiniń Arys qalasy boıynsha salyq basqarmasynyń basshysy bolyp eńbek etip kelgen. Otbasyly, 4 perzent tárbıelegen, dep jazdy otyrar.kz.