OQO ımamdary sý tasqynynan zardap shekken aqtóbelikterge gýmanıtarlyq kómek jiberdi
ShYMKENT. QazAqparat - OQO ımamdary kóktemgi sý tasqynynan zardap shekken aǵaıynǵa qolushyn sozý úshin arnaıy aktsııa uıymdastyrdy.
«Ońtústik asary» atty qaıyrymdylyq sharasyna din ókilderi men meshitke kelýshi jamaǵat qatysyp,azyq-túlik pen kıim-keshek jáne qarjylaı kómektesti, dep habarlaıdy QazAqparat HAA tilshisi.
Óńirdiń din ókilderi uıymdastyrǵan aktsııaǵa ımany berik jamaǵattan jınalǵan 1 mln 60 myń teńgeniń zattary jınaldy. Arnaıy júk kólikterine tıelgen 7580 tonna azyq-túlik, 144 lıtr ósimdik maıy, qajetti kıim-keshek, basqa da turmystyq buıymdar, tıelgen kerýen Aqtóbe oblysy turǵyndaryna attanyp ketti.
«Ońtústik asary» atty úlken bastama aıasynda bir aıǵa jýyq jınalǵan azyq-túlik, kıim -keshek bar kerýen Aqtóbe oblysyna attanyp jatyr. Ol jaqtaǵy halyqqa aıtarymyz, ár ýaqytta sabyrly bolsyn. Biz olarmen árqashanda birgemiz. Osy sharaǵa úles qosqandarǵa Allanyń nury jaýsyn»,-dedi QMDB Ońtústik Qazaqstan oblysy boıynsha ókil ımamynyń orynbasary Muhamedjan Estemirov.
Qaıyrymdylyq sharany uıymdastyrýshylar endi taǵy bir aktsııa ótkizip, gýmanıtarlyq kómekti qyzylsýdan japa shekken qaraǵandylyqtarǵa jóneltpekshi.
