OQO ІІD-niń áskerı-medıtsınalyq tekserý komıssııasynyń tóraıymy B.Sátkenova 17 ret para alǵan

Bul málimettermen búgin jýrnalıstermen bolǵan brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı tanystyrdy.

Onyń derekterine qaraǵanda, B.Sátkenova medıtsınalyq komıssııadan kedergisiz ótý úshin deldaldar arqyly 10 myń teńgeden 400 AQSh dollaryna deıin para alyp otyrǵan. Al Almaty oblysynyń Alakól aýdandyq Іshki ister bólimi Jol polıtsııasy bóliminiń bastyǵy T.Abdrahımov memlekettik tehnıkalyq baıqaýdan ótkendigi týraly kýálikti 28 adamǵa kólikti teksermesten bergen jáne olardyń barlyǵynan para alǵan. Atalmysh azamat 4 jylǵa bas bostandyǵynan aıyryldy. Osyndaı qylmysqa barǵan Shyǵys Qazaqstan oblystyq Іshki ister bólimi Jol polıtsııasy bólimshesiniń bastyǵy T.Kanapın 7 jylǵa bas bostandyǵynan aıyryldy.