OQO ІІD: 7 jasar bala men onyń ájesiniń qaýipsizdigi qamtamasyz etiledi
ShYMKENT. QazAqparat - Ońtústik Qazaqstan oblystyq ІІD-niń Otbasy, balalar jáne jastar isteri jónindegi basqarmasynan jábirlenýshi jasóspirimniń jeke basynyń qaýipsizdigin qamtamasyz etý úshin Kámeletke tolmaǵandardy beıimdeý ortalyǵyna ornalastyrý jónindegi usynym kelip tústi. Bul týraly departamenttiń baspasóz qyzmeti habarlady.
Osyǵan baılanysty tergeý organdary 14 naýryzda jábirlenýshi balanyń qaýipsizdigin qamtamasyz etý jónindegi qaýly shyǵardy.
Іshki ister organdary ul balanyń ájesimen Shymkent qalasynyń vokzalynda áńgime júrgizip, oǵan qaýipsizdikti qamtamasyz etý jáne memleket tarapynan quqyqty qorǵaý jónindegi tergeýshi qaýlysynyń mán-jaıy túsindirildi.
Budan keıin ul balanyń ájesi memleket tarapynan qorǵaý kórsetilý quqyǵyn paıdalaný jóninde sheshim qabyldady, sondaı-aq polıtsııa jáne qorǵanshylyq qyzmetkerlerimen OQO-nyń ІІD-sine bet aldy, onda qazirgi ýaqytta olardy qaýipsiz jerge ornalastyrý máselesi sheshilip jatyr.
Astanadaǵy tergeý organdarynyń qaýlysy negizinde qysqa merzimde joǵary bilikti mamandardy tarta otyryp keshendi sot-medıtsına saraptamasy jasalatyn boldy.
Eske sala ketsek, OQO-da 7 jasar balanyń zorlanýyna qatysty qylmystyq is qozǵaldy.
14 naýryz kúni Abaı aýylyna Qazaqstan Respýblıkasyndaǵy Bala quqyqtary jónindegi ýákil, Parlament depýtaty Zaǵıpa Balıevanyń tapsyrmasymen monıtorıng jasaýshy toptyń ókilderi bardy. Top quramynda zańger jáne psıholog mamandary bar.
Aıta keteıik, búgin jábirlenýshi bala men onyń jaqyndary táýelsiz mamandardyń kómegine júginý úshin Almatyǵa jolǵa shyqqan bolatyn. Abaı aýylynda turatyn birinshi synyp oqýshysyna qatysty iske qoǵam belsendileri aralasyp, olar balany jetekshi mamandarǵa qaıta teksertip, táýelsiz saraptama jasatýǵa ýáde etken edi.
