OQO halqynyń 61 paıyzy tabıǵı gazben qamtylǵan
ASTANA. QazAqparat - Ońtústik Qazaqstan oblysynda turǵyndardy tabıǵı gazben qamtamasyz etý jumystary qarqyndy júrgizilip keledi. Búginniń ózinde óńir turǵyndarynyń 61 paıyzy kógildir otynmen qamtamasyz etilgen. Bul týraly búgin OQO Aımaqtyq komýnıkatsııa qyzmetinde ótken brıfıngte oblystyq energetıka jáne turǵyn úı-kommýnaldyq sharýashylyq basqarmasynyń basshysy Marǵulan Maraıym málim etti.
Onyń aıtýynsha, 2016 jyly 25 eldi mekendegi tabıǵı gaz qurylysyna 13,7 mlrd teńge bólinip, tolyǵymen ıgerilipti. Nátıjesinde 300 eldi mekende turatyn 1 mıllıon 755 myń 306 turǵyn kógildir otynmen qamtylǵan. Al 9 jobanyń qurylysy jyl sońyna deıin aıaqtalatyn bolady.
Odan bólek, 2016 jyly 47 eldi mekendegi turǵyndardy oblystyq bıýdjet esebinen tabıǵı gazben qamtamasyz etý úshin jobalyq smetalyq qujattary ázirlenýde. Mundaǵy jumystardy 2017 jyldyń birinshi toqsanynda aıaqtaý josparlanyp otyr.
Al bıyl 79 nysanǵa oblystyq bıýdjetten 13,7 mlrd teńge bólinipti. Eger qurylys jumystary mejelegen merzimde aıaqtalsa, 357 eldimekende turatyn 1 mıllıon 855 myń adam tabıǵı gazben qamtamasyz etiletin bolady. ıAǵnı, bul oblys halqynyń 65,3 paıyzyn quraıdy.
Sondaı-aq, 2017-2020 jyldary 960 myń turǵyny bar 383 eldi mekendi gazdandyrý jumystary qolǵa alynady. Joba tolyǵymen júzege asqan jaǵdaıda 2021 jyly oblysymyzdaǵy gazdandyrylǵan aýyldar sany 683-ke artatyn bolady. Naqtyraq aıtsaq, 2 mıllıon 715 myń turǵyn kógildir otynǵa qol jetkizedi. Bul oblys halqynyń 81 paıyzyn quraıdy, dep habarlaıdy OQO ákiminiń baspasóz qyzmetinen.
